Erik Ras ta coordinador na warda di polis Playa y el a comenta cu nan lo bay cuminsa cu un accion pa recoge auto cu ta mal para, bieu y asina aki haci un limpiesa den centro di ciudad, tambe parti pafo.
Ras a splica cu prome cos cu tin di haci ta busca informacion, e datonan riba e autonan, kendenan ta doñonan. Cada doño ta responsabel pa su auto. Si un auto ta riba caminda publico cu no tin nada, e ora lo cuminsa na takel e autonan cu ta mas bieu, cu e doñonan no ta desea e autonan mas. Nan ta firma un documento cu nan ta distancia di e auto y asina ta bay deshaci di e autonan.
Un auto den cura di cas ta bira tiki mas dificil, como kiera cu no ta riba un caminda publico. E doñonan mester coopera pa saca e auto riba e tereno pa nan por deshaci di nan.
Ta programa pa e accion cuminsa otro siman. Lo bay reuni riba e parti aki y via medionan di comunicacion lo informa pueblo ki ora lo cuminsa.