Pronostico di tempo ta indica cu diabierna anochi, shelo lo ta levemente te parcialmente nubla y generalmente seco den marduga y diasabra, shelo lo ta levemente te parcialmente nubla cu un awasero pasahero.
Temperatura maximo 30 grado Celsius y temperatura minimo 24 grado Celsius.
Solo lo baha awe nochi 06:21 pm y lo sali mañan mainta 06:58 am.
Biento:
For di direccion generalmente oost y modera te basta fuerte; forsa 3 te 5 (12 te 39 km/ora, 7 te 21 nudo).
Den dia of durante di awasero fuerte den rafaga; forsa 6 (40 te 50 km/ora, 22 te 27 nudo)
Situacion general di tempo:
Den proximo 24 ora aire relativamente mas seco a drenta den region di Caribe.
Esaki a disminui e posibilidadnan di yobida. Sinembargo no por exclui e chens pa un awasero pasahero den oranan di marduga y mainta di diasabra.
Condicion di lama:
Olanan di lama lo ta for di direccion oost cu haltura di 4 te localmente 7 pia.
Temperatura di superficie di lama 28 grado Celsius.
Fenomenonan special: ningun
Registracion di temperatura (Celsius) y awasero (mm) den ultimo 24 ora :
Airport max 30 / min 25 / 0.0
Hadicurari max 28 / min 25 / 0.0
Pronostico di tempo pa sobra di fin di siman:
Levemente te parcialmente nubla cu un awasero pasahero;
Biento lo ta for di generalmente oost y modera te fuerte, posiblemente de bes en cuando duro den rafaga;
Temperatura max/ min lo ta: 30/24