Pronostico di tempo ta indica cu diabierna anochi shelo lo ta levemente te parcialmente nubla y generalmente seco. Den marduga y diasabra, e tempolo ta parcialmente nubla cu un awasero pasahero.
Temperatura maximo 33 grado Celsius y temperatura minimo 26 grado Celsius.
Solo lo baha awe nochi 06:53 pm y lo sali mañan mainta 06:23 am.
Biento lo ta modera te basta fuerte for di direccion oost oost zuidoost; forsa 3 te 5 (12 te 39 km/ora, 7 te 21 nudo). Den dia posiblemente fuerte den rafaga; forsa 6 (40 te 50 km/ora, 22 te 27 nudo).
Situacion general di tempo:
Den proximo 24 ora humedad a aumenta un tiki y temporalmente mas nubia por pasa riba region local. pa e motibo aki por spera algu di awacero riba isla di Aruba. Keto bay stof fini suspende den aire lo reduci visibilidad den proximo (dos) dia (nan).
Condicion di lama:
Olanan di lama lo ta for di direccion oost cu haltura di 3 te localmente 6 pia. E olanan di mas haltu ta na costa noord di nos isla.
Temperatura di superficie di lama: 27 grado celsius.
Fenomenonan special: depresion tropical nr.1 a bira tormenta tropical Arlene ayera
tardi. Pero awe mainta ya ela perde tur caracteristica di un sistema tropical y a
wordu absorbe pa un ciclon extratropical riba oceano Atlantico na 1985 km west
di islanan Azoren. E sistema aki lo no wordo menciona mas den boletin di tempo.
Registracion di temperatura (celsius) y awasero (mm) den ultimo 24 ora:
Airport max 33 / min 27 / 0.0
Hadicurari max 32 / min 27 / 0.0
Pronostico di tempo pa sobra di fin di siman:
Parcialmente nubla sin awasero di importancia. Biento lo ta for di oost te zuidoost y modera te basta fuerte, de bes en cuando posiblemente fuerte den rafaga; temperatura max/ min lo ta: 33/27.