Atencion: Un alerta pa biento duro y lama localmente bastante bruto lo drenta na vigor mañan diasabra pa 8 am.
Pronostico di tempo pa diabierna anochi ta indica cu tempo lo ta levemente te parcialmente nubla y generalmente seco. Den marduga y diasabra: levemente te parcialmente nubla cu un awasero pasahero.
Temperatura maximo 33 grado Celsius y temperatura minimo 27 grado Celsius.
Solo lo baha awe nochi 07:02 pm y lo sali mañan mainta 06:13 am.
Biento: modera te basta fuerte for di direccion oost; forsa 4 te 5 (20 te 39 km/ora, 11 te 21 nudo). Den dia fuerte te posiblemente hopi duro den rafaga; forsa 6 te 8 (40 te 64 km/ora, 22 te 35 nudo)
Situacion general di tempo:
Un ola tropical ta moviendo den region local bayendo west. E aire poco mas humedo cu e sistema aki ta trece cun’e por pone un awasero desaroya den proximo 24 ora. Mas aleu por bisa cu e biento lo bay aumenta un poco atrobe durante e weekend aki y un alerta pa biento duro lo bira necesario mañan. Tambe por bisa cu stof fini den aire tras di e ola tropical lo stroba visibilidad un poco den proximo dos dianan.
Condicion di lama:
Olanan di lama lo ta for di direccion oost cu haltura di 4 te localmente 7 pia; e olanan di mas halto lo ta na costanan oost, noordoost te noordwest di e isla caminda nan por yega te 8 pia. Ta suplica operadornan di boto chikito pa tene cuenta cu esaki.
Temperatura di superficie di lama: 26 grado Celsius.
Fenomenonan special: ningun
Tempo tropical significante: ningun
Awe, 1 di juni, temporada di horcan di Atlantico a cuminsa oficialmente. Manera ta e custumber servicio meteorologico di Aruba lo vigila desaroyonan riba Atlantico y den caso cu ta necesario lo emiti boletinnan di advertencia pa pueblo di Aruba. E nombernan di e posibel tormentanan i horcan pa temporada 2018 ta: Alberto, esaki a forma caba for di temporada. Resto di nombernan ta: Beryl, Chris, Ernesto, Florence, Gordon, Helene, Isaac, Joyce, Kirk, Leslie, Michael, Nadine, Oscar, Patty, Raphael, Sara, Tony, Valerie, William.
Potencial di awasero pa proximo 24 ora: 1 mm localmente por ta mas;
Registracion di temperatura (Celsius) y awasero (mm) den ultimo 24 ora:
Airport max 31 / min 26 / 0.0
Pronostico di tempo pa sobra di fin di siman:
Parcialmente nubla y generalmente seco. Biento lo ta for di direccion oost y modera te basta fuerte; den dia fuerte te duro, tin bes hopi duro den rafaga;
temperatura max / min lo ta: 33/27