Pronostico di tempo compila diabierna 18 di Augustus 2017 ta indica cu diabierna anochi tempo lo ta parcialmente nubla cu un awasero breve. Den marduga y diasabra, shelo lo ta parcialmente te temporalmente hopi nubla cu localmente algun awasero.
Temperatura maximo 34 grado Celsius y temperatura minimo 26 grado Celsius.
Solo lo baha awe nochi 06:58 pm y lo sali mañan mainta 06:28 am.
Biento:
Awe nochi: for di direccionan entre oost y oost- noordoost, diasabra mainta: for di noordoost te noord- noordoost; diasabra merdia y atardi: noordoost te noord swak te modera, forsa 2 te 4 (7 te 30 km/ora, 4 te 16 nudo). Durante di dia posible awasero basta fuerte te fuerte den rafaga; forsa 5 te 6 (31 te 50 km/ora, 17 te 27 nudo)
Situacion general di tempo:
Humedad den atmosfera regional lo aumenta den proximo 24 ora debi na tormenta
tropical “Harvey” cu ta moviendo den area di caribe. Pa e motibo aki por spera
temporalmente un shelo bastante nubla cu algun awasero cu chens pa lamper cu
strena riba isla di Aruba.
Condicion di lama:
Olanan di lama lo ta for di direccion oost cu haltura di 4 te localmente 8 pia riba awanan habri na costa noordwest di nos isla.Labaderanan modera for di oost ta yegando awanan regional.
Temperatura di superficie di lama: 28 grado Celsius.
Fenomenonan special: ningun
Sistemanan significante di weer tropical:
-Tormenta tropical “harvey” tabata situa na mas o menos 630 km oost di Curacao
y 770 km oost di Aruba y ta moviendo west ku 33 km/ora. E bientonan maximo rond
di e centro ta di 65 km/ora. Servicio meteorologico di Aruba ta emitiendo
boletinnan di informacion tocante e sistema aki.
-Un area di mal tempo ta situa oost- noordoost di area di Caribe y ta movirndo west- noordwest. E sistema aki tin un chens medio grandi den proximo dia of 2 pa sigui desaroya i bira un ciclon tropical.
Registracion di temperatura (Celsius) y awasero (mm) den ultimo 24 ora:
Airport max 34 / min 28 / 0.0
Hadicurari max 33 / min 27 / 0.0
Pronostico di tempo pa resto di fin di siman:
Parcialmente nubla cu localmente algun awasero, biento lo ta for di direccion noordoost te zuidoost y modera te basta fuerte, den dia of posibel awasero de bes en cuando fuerte den rafaga; temperatura max / min lo ta: 34/28