Pronostico di tempo ta indica cu shelo lo ta levemente te parcialmente nubla cu chens pa un awasero pasahero. Den marduga y mañan: levemente te parcialmente nubla cu localmente un awasero.
Temperatura
Temperatura maximo 33 grado Celsius y temperatura minimo 27 grado Celsius.
Bahada y subida di solo:
Solo lo baha awe nochi 06:59 pm y lo sali mañan mainta 06:28 am.
Biento:
Modera te basta fuerte for di direccion generalmente oost; forsa 4 te 5 (20 te 39 km/ora, 11 te 21 nudo). Den dia fuerte te posiblemente duro den rafaga; forsa 6 te 7 (40 te 61 km/ora, 22 te 33 nudo).
Situacion general di tempo:
Den proximo 24 ora no ta spera mucho cambio den e tipo di weer cu ta reina actualmente. Un ola tropical bon desaroya lo bay drenta area di Caribe den curso di awe nochi pa diasabra y lo zorg pa humedad aumenta den atmosfera regional. Esaki lo pone e chensnan pa awasero aumenta den curso di e weekend venidero. Tambe tin posibilidad e ora ey di lamper cu strena.
Condicion di lama:
Olanan di lama lo ta for di direccion oost cu haltura di 4 te localmente 6 pia cu e olanan di mas halto na costanan oost, noordoost te noordwest di e isla.
Fenomenonan special: ningun
Tempo tropical significante: Tormenta tropical “Ernesto” tabata moviendo noordoost riba awanan habri di Atlantico noord, noord- noordwest di Azoren. Ernesto no ta un peliger pa region di Caribe.
Potencial di awasero pa proximo 24 ora: 1 mm; localmente por varia
Registracion di temperatura (Celsius) y awasero (mm) den ultimo 24 ora:
Airport max 33 / min 27 / 0.0
Pronostico di tempo pa sobra di fin di siman:
Parcialmente nubla cu localmente un awasero. Biento lo ta for di generalmente direccion oost y modera te basta fuerte; den dia fuerte te duro den rafaga; temperatura max / min lo ta: 33/27