Pronostico di tempo ta indica cu diabierna anochi, shelo lo ta levemente te parcialmente nubla y seco.
Diasabra, shelo lo ta parcialmente nubla cu den oranan di marduga y mainta tempran chens pa un awasero breve.
Temperatura maximo 34 grado Celsius y temperatura minimo 28 grado Celsius.
Solo lo baha awe nochi 06:40 pm y lo sali mañan mainta 06:29 am.
Biento:
Modera te basta fuerte for di generalmente direccion oost; forsa 3 te 5 (12 te 39 km/ora, 7 te 21 nudo).
Den dia posiblemente fuerte den rafaga; forsa 6 (40 te 50 km/ora, 22 te 27 nudo);
Situacion general di tempo:
Den proximo 24 ora, no ta spera cambionan significante den e tipo di tempo cu tin actualmente. Sinembargo, aire relativamente humedo y instabil lo por ocasiona formacion di nubianan cu por produci un awasero riba isla di Aruba.
Condicion di lama:
Olanan di lama lo ta for di direccion oost cu haltura di 2 te localmente 5 pia.
Temperatura di superficie di lama 29 grado Celsius.
Fenomenonan special: ningun
Tempo tropical: Yormenta tropical Ian tabata moviendo noordoost riba oceano Atlantico y a bira extratropical. Ian lo no wordo menciona mas den boletin di tempo.
– Julia cu a bolbe bira un tormenta tropical tabata moviendo zuid- zuidoost di costa Mericano di South Carolina y no ta forma peliger pa area di Caribe.
– Depresion tropical nr. 12 a sigui desaroya y bira tormenta tropical Karl. Karl tabata move den direccion west riba awanan habri di oost Atlantico y ta solamente un molester pa nabegacion maritimo.
Registracion di temperatura (Celsius) y awasero (mm) den ultimo 24 ora:
Airport max 34 / min 28 / 0.0
Hadicurari max 31 / min 27 / 0.0
Pronostico di tempo pa fin di siman:
Parcialmente nubla cu chens pa un awasero;
Biento lo ta generalmente for di oost y lo ta modera te basta fuerte, posiblemente fuerte den rafaga.
Temperatura max/ min lo ta: 34/28