Atencion: un aviso pa boto chikito y biento duro lo keda na vigor te 6 pm diasabra.
Pronostico di tempo pa diabierna anochi: levemente te parcialmente nubla y generalmente seco. Den marduga y diasabra: levemente te parcialmente nubla y no ta spera awasero di importancia
Temperatura maximo 32 grado Celsius y temperatura minimo 26 grado Celsius.
Solo lo baha awe nochi 06:50 pm y lo sali mañan mainta 06:46 am.
Biento: modera te basta fuerte for di direccion oost; forsa 4 te 5 (20 te 39 km/ora, 11 te 21 nudo). Den dia fuerte te duro den rafaga; forsa 6 te 7 (40 te 61 km/ora, 22 te 33 nudo)
Situacion general di tempo:
Condicionnan generalmente seco lo keda prevalece durante proximo 24 ora. E diferencianan di presion di aire den area di Caribe ta menguando poco poco y den curso di e fin di siman aki biento lo baha un poco. Mas aleu por bisa cu stof fini suspende den aire lo sigui limita visibilidad un poco den proximo dia of dos.
Condicion di lama:
Olanan di lama lo ta for di direccion oost cu haltura di 5 te localmente 8 pia; e olanan di mas halto lo ta na costanan oost, noord te noordwest di e isla. E avisonan pa boto chikito y biento duro ta keda na vigor te mañan atardi 6’or. Sinembargo, ocupantenan di boto chikito mester
sigui procede cu cautela riba lama habri.
Temperatura di superficie di lama: 25 grado Celsius.
Fenomenonan special: ningun
Potencial di awasero pa proximo 24 ora: 1 mm of menos
Registracion di temperatura (Celsius) y awasero (mm) den ultimo 24 ora:
Airport max 31 / min 26 / 0.0
Pronostico di tempo pa sobra di fin di siman:
Levemente te parcialmente nubla y generalmente seco. Biento lo ta for di direccion oost y modera te basta fuerte; den dia fuerte te duro den rafaga;
temperatura max / min lo ta: 32/25