Pronostico di tempo valido te diasabra 05 di mei 2018

0
RBC Juli 2018
Funmiles-2018

Pronostico di tempo pa diabierna anochi parcialmente nubla y chens pa un awasero pasahero. Den marduga y diasabra, tempo lo ta parcialmente te hopi nubla cu chens pa localmente algun awasero.

Temperatura maximo 32 grado Celsius y temperatura minimo 26 grado Celsius.

Solo lo baha awe nochi 06:55 pm y lo sali mañan mainta 06:18 am.

Biento: modera te basta fuerte for di oost te oost- zuidoost; forsa 4 te 5 (20 te 39 km/ora, 11 te 21 nudo). Den dia fuerte te duro den rafaga; forsa 6 te 7 (40 te 61 km/ora, 22 te 33 nudo)

Situacion general di tempo:
Den proximo 24 ora un disturbio den nivelnan mediano y mas halto di atmosfera lo bay induci humedad abundante for di cual nubianan lo bay desaroya. E nubianan aki por produci algun awasero localmente. No ta exclui posibilidad chikito di lamper cu strena. Mas aleu por bisa cu stof fini suspende den aire lo mengua visibilidad un poco den proximo dianan.

Condicion di lama:
Olanan di lama lo ta for di direccion oost cu haltura di 5 te localmente 8 pia; e olanan di mas halto lo ta na costanan oost, noordoost te noordwest di e isla. Operadornan di boto chikito ta wordo suplica pa tene esaki na cuenta.

Temperatura di superficie di lama: 26 grado Celsius.

Fenomenonan special: ningun

Potencial di awasero pa proximo 24 ora: 3 pa 10 mm localmente por ta mas;

Registracion di temperatura (Celsius) y awasero (mm) den ultimo 24 ora:

Airport max 32 / min 27 / 0.0

Pronostico di tempo pa sobra di fin di siman:
Parcialmente nubla, levemente stofferig cu localmente un awasero. Biento lo ta for di direccion oost- zuidoost y modera te basta fuerte; den dia fuerte te posiblemente duro den rafaga;
temperatura max / min lo ta: 32/27

Comments

comments

C: Heineken
new india
dvg