Un alerta pa boto chikito y lama bruto ta na vigor:
Un aviso pa boto chikito y lama bruto lo drenta na vigor diaranson merdia 12′ or.
Pronostico di tempo ta indica cu diamars anochi tempo lo ta parcialmente nubla y generalmente seco. Den marduga y diaranson, tempo lo ta parcialmente nubla cu localmente un awasero breve.
Temperatura maximo 35 grado Celsius y temperatura minimo 28 grado Celsius.
Solo a baha awe nochi 06:47 pm y lo sali mañan mainta 06:29 am.
Biento lo ta modera for di direccionan entre oost y oost- noordoost; forsa 2 te 4 (7 te 30 km/ora, 4 te 16 nudo). Temporalmente variable y zwak; forsa 1 te 2 (1 te 10 km/ora, 1 te 5 nudo)
Situacion general di tempo:
Humedad den atmosfera regional lo por bira suficiente den oranan di marduga y mainta pa ocasiona localmente un awasero riba isla di Aruba.
Condicion di lama:
Olanan di lama lo ta for di direccion oost cu haltura di 4 te localmente 6 pia. Labaderanan cu ta yegando for di noordoost produci pa horcan Irma a cuminsa yega awanan regional. Esaki lo zorg pa lama bira poco bruto, condicion cu por dura pa un paar di dia.
Temperatura di superficie di lama: 28 grado Celsius.
Fenomenonan special: ningun
Sistemanan significante di weer tropical:
-Horcan irma tabata situa na mas o menos 200 km oost di Antigua, moviendo west. Ta premira cu e lo bai tuma un curso mas west- noordwest den proximo 24 ora. E horcan na e momento nan aki ta categoria 5 loke ta hace’e un horcan fuerte y lo pasa hopi cerca di islanan ariba.
-Tormenta tropical Jose a forma di un ola tropical situa mas o menos mei mey di Africa y Caribe. Jose ta moviendo west y ta solamente un molester pa navegacion maritimo.
– Un area di presion abou situa den zuidwest di Golfo di Mexico a sigui desaroya y awo ta un deprecion tropical. E sistema ta move poco poco den direccion oost y no ta un menasa pa region local.
Registracion di temperatura (Celsius) y awasero (mm) den ultimo 24 ora:
Airport max 34 / min 28 / 0.0
Hadicurari max 34 / min 27 / 0.0
Pronostico di tempo pa proximo dianan di siman:
Parcialmente nubla cu localmente un awasero. Biento lo ta for di direccion noordoost y zwak te modera, temporalmente variable. Temperatura max / min lo ta: 35/28