Pronostico di tempo valido te diaranson 31 di Mei 2017

0

Pronostico di tempo compila ta indica cu diamars anochi e shelo lo ta levemente te parsialmente nubla y chens pa un awasero pasahero. Den marduga y diaranson, shelo lo ta  parcialmente nubla cu un awasero breve.

Temperatura maximo 33 grado Celsius y temperatura minimo 28 grado Celsius.

Solo lo baha awe nochi 07:01 pm y lo sali mañan mainta 06:13 am.

Biento lo ta modera te basta fuerte for di direccion oost; forsa 4 te 5 (20 te 39 km/ora, 11 te 21 nudo). Den dia fuerte te posiblemente duro den rafaga; forsa 6 te 7 (40 te 61 km/ora, 22 te 33 nudo)

Situacion general di tempo:
Un ola tropical situa oost di region local y moviendo west, lo zorg pa un aumento di humedad den atmosfera regional. Esaki lo pone cu temporalmente mas nubia por forma den nos area y por spera un awasero den oranan di marduga y mainta di diaranson. Tambe tin un posibilidad chikito di strena cu lamper. Mas aleu, un area di stof fini suspende den aire
a bolbe drenta region di caribe y lo stroba visibilidad den proximo dianan.

Condicion di lama:
Olanan di lama lo ta for di direccion oost cu haltura di 5 te localmente 7 pia. E olanan di mas haltu ta na costa noordwest di nos isla. Ta pidi ocupantenan di boto chikito pa procede cu cautela ya cu localmente lama por ta bruto.

Temperatura di superficie di lama: 27 grado Celsius.

Fenomenonan special: ningun

Registracion di temperatura (celsius) y awasero (mm) den ultimo 24 ora:

Airport max 33 / min 28 / 0.0

Hadicurari max 31 / min 27 / 0.0

Pronostico di tempo pa proximo dianan di siman:
Parcialmente nubla cu localmente un awasero breve, biento lo ta for di generalmente oost y modera te basta fuerte,de bes en cuando fuerte te posiblemente duro den rafaga;
temperatura max / min lo ta: 33/28