Pronostico di tempo ta indica cu diamars anochi, shelo lo ta levemente te parcialmente nubla cu chens pa un awasero breve den marduga y diaranson, shelo lo ta levemente te parcialmente nubla cu un awasero local.
Temperatura maximo 33 grado Celsius y temperatura minimo 27 grado Celsius.
Solo lo baha awe nochi 06:54 pm y lo sali mañan mainta 06:19 am.
Biento:
Modera te basta fuerte for di direccion generalmente oost; forsa 4 te 5 (20 te 39 km/ora, 11 te 21 nudo).
Den dia fuerte te posiblemente duro den rafaga; forsa 6 te 7 (40 te 61 km/ora, 22 te 33 nudo).
Situacion general di tempo:
Un disturbio na nivelnan mas halto di atmosfera den parti oost di Caribe, lo percura pa humedad den region local. Pa e motibo aki por spera algo di awasero riba e isla den proximo 24 ora. Mas aleu e stof fini den aire tambe lo disminui gradualmente den proximo dianan y e visibilidad lo bira un poco mas miho.
Condicion di lama:
Olanan di lama lo ta for di direccion oost cu haltura di 4 te localmente 6 pia.
E olanan di mas halto ta na costa noordwest di nos isla. Ta pidi ocupantenan di boto chikito y usuarionan di lama en general pa keto bay tene cuenta cu lama por ta poco bruto na cierto localidadnan.
Temperatura di superficie di lama: 27 grado Celsius.
Denomenonan special: ningun
Registracion di temperatura (Celsius) y awasero (mm) den ultimo 24 ora:
Airport max 33 / min 27 / 0.0
Hadicurari max 32 / min 27 / 0.0
Pronostico di tempo pa proximo dianan di siman:
Parcialmente nubla sin awasero di importancia biento lo ta for di generalmente oost y modera te basta fuerte, de bes en cuando fuerte te posiblemente duro den rafaga;
temperatura max/ min lo ta: 33/27