Pronostico di tempo ta indica cu diamars anochi: levemente te parcialmente nubla y generalmente seco. Den marduga y diaranson: parcialmente nubla cu localmente un awasero
Temperatura maximo 31 grado Celsius y temperatura minimo 25 grado Celsius.
Solo lo baha awe nochi 06:48 pm y lo sali mañan mainta 06:56 am.
Biento: modera for di direccion oost te oost-noordoost; forsa 3 te 4 (12 te 30 km/ora, 7 te 16 nudo). Den dia basta fuerte te posiblemente fuerte den rafaga; forsa 5 te 6 (31 te 50 km/ora, 17 te 27 nudo).
Situacion general di tempo:
Humedad den atmosfera regional lo bay aumenta un tiki den proximo 24 ora i esaki lo pone cu temporalmente mas nubia lo bay pasa riba region local.
pa e motibo aki tin chens e ora ey pa localmente awasero riba e isla.
Condicion di lama:
Olanan di lama lo ta for di direccion oost- noordoost cu haltura di 3 te 5 pia; e olanan di mas halto lo ta na costanan oost, noord te noordwest di e isla. Den proximo dianan un area di presion abou riba oceano Atlantico lo bay crea labaderanan cu lo bini for di noordoost
y causa lama poco bruto na nos costanan. un aviso pa boto chikito lo por ta necesario den curso di fin di siman.
Temperatura di superficie di lama: 25 grado Celsius.
Fenomenonan special: ningun
Potencial di awasero pa proximo 24 ora: 1 mm; localmente e por ta mas
Registracion di temperatura (Celsius) y awasero (mm) den ultimo 24 ora:
Importa max 30 / min 24 / 0.0
Pronostico di tempo pa proximo dianan di siman:
Levemente te parcialmente nubla cu chens pa un awasero pasahero. Biento lo ta for di direccion generalmente oost y modera; den dia basta fuerte te posiblemente fuerte den rafaga;
temperatura max / min lo ta: 31/26