Pronostico di tempo valido te diaranson 14 di maart 2018

0
RBC Juli 2018
ling and sons porciento
Funmiles-2018

Atencion: un aviso pa boto chikito y biento duro ta na vigor

Pronostico di tempo pa diamars anochi ta indica cu shelo lo ta levemente te parcialmente nubla y generalmente seco. Den marduga y diaranson: levemente te parcialmente nubla y no ta spera
awasero di importancia.

Temperatura maximo 32 grado Celsius y temperatura minimo 26 grado Celsius.

Solo lo baha awe nochi 06:50 pm y lo sali mañan mainta 06:48 am.

Biento: modera te basta fuerte for di direccion oost; forsa 4 te 5 (20 te 39 km/ora, 11 te 21 nudo). Den dia fuerte te duro, tin bes hopi duro den rafaga; forsa 6 te 8 (40 te 64 km/ora, 22 te 35 nudo)

Situacion general di tempo:
Weer generalmente seco lo keda prevalece den proximo 24 ora. E diferencianan di presion di aire den area di Caribe ta sigui grandi, ocasionando biento duro. Sinembargo esaki lo mengua un poco den e di dos mita di e siman aki. Mas aleu por bisa cu stof fini suspende den aire lo limita visibilidad un poco.

Condicion di lama:
Olanan di lama lo ta for di direccion oost cu haltura di 5 te localmente 9 pia; e olanan di mas halto lo ta na costanan oost, noord te noordwest di e isla. Biento duro ta haciendo parti di nos costa bruto. E avisonan pa boto chikito y biento duro ta keda na vigor pa e motibo aki. Ocupantenan di boto chikito y usuarionan di lama mester tene esaki na cuenta y procede cu cautela.

Temperatura di superficie di lama: 25 grado Celsius.

Fenomenonan special:
E centro di investigacionnan sismico di universidad di WI a detecta un aumento di actividad cerca e volcan bou di lama kick’ em Jenny y a hisa e codigo di alerta haciele oraño. E volcan aki ta situa entre Grenada y St. Vincent & the Grenadines. Aunke e expertonan no ta spera un tsunami den caso di erupcion toch DMA lo sigui e desaroyonan rond di e volcan aki cu hopi atencion.

Potencial di awasero pa proximo 24 ora: 1 mm of menos

Registracion di temperatura (Celsius) y awasero (mm) den ultimo 24 ora:

Airport max 31 / min 26 / 0.0

Pronostico di tempo pa proximo dianan di siman:
Levemente te parcialmente nubla y generalmente seco. Biento lo ta for di direccion oost y modera te basta fuerte; den dia fuerte te duro den rafaga;
temperatura max / min lo ta: 32/25

Comments

comments

C: Heineken
new india
dvg