Pronostido di tempo ta indica cu dialuna anochi, shelo lo ta parcialmente nubla y generalmente seco.
Den marduga y diamars, shelo lo ta parcialmente nubla cu localmente un awasero breve.
Un alerta pa boto chikito y lama bruto lo drenta na vigor mañan diamars 6 am.
Temperatura maximo 35 grado Celsius y temperatura minimo 28 grado Celsius.
Solo lo baha awe nochi 06:48 pm y lo sali mañan mainta 06:29 am.
Biento: modera for di direccionan entre oost y oost- noordoost;
Forsa 3 te 4 (12 te 30 km/ora, 7 te 16 nudo)
Durante di dia basta fuerte te posiblemente fuerte den rafaga;
Forsa 5 te 6 (31 te 50 km/ora, 17 te 27 nudo)
Situacion general di tempo:
Humedad den atmosfera regional lo por bira suficiente den oranan di marduga y mainta pa ocasiona localmente un awasero breve.
Condicion di lama:
Olanan di lama lo ta for di direccion oost cu haltura di 3 te localmente 5 pia.
Na costa noord te noordwest. labaderanan for di noordoost produci pa horcan Irma lo cuminsa yega awanan regional den curso di awe nochi y diamars. Esaki lo percura pa den curso di diamars lama bira poco bruto, condicion cu por dura pa un paar di dia.
Temperatura di superficie di lama: 28 grado Celsius.
Fenomenonan special: ningun
Sistemanan significante di tempo tropical:
Horcan Irma tabata situa na mas of menos 790 km oost di islanan mas oost di area di caribe, moviendo west. Ta premira cu e lo bay tuma un curso mas west- noordwest den proximo 24 pa 36 ora. E horcan ta uno di categoria 4 loke ta haci’e un horcan fuerte y ta menasando e islanan mas noord den parti oost di caribe of asina yama islanan ariba.
Un ola tropical situa mas of menos mey mey di Africa y Caribe tin un chens grandi pa den proximo 5 dia sigui desaroya y bira un ciclon tropical.
Un area di precion abou den zuidwest golfo di Mexico tin un chens grandi pa den proximo 5 dia bira un ciclon tropical.
Registracion di temperatura (Celsius) y awasero (mm) den ultimo 24 ora:
Airport max 35 / min 28 / 0.0
Hadicurari max 34 / min 27 / 0.0
Pronostico di tempo pa proximo dianan di siman:
Parcialmente nubla cu localmente un awasero.
Biento lo ta for di direccion generalmente oost y modera te basta fuerte, den dia de bes en cuando fuerte te posiblemente duro den rafaga;
Temperatura max / min lo ta: 35/28