Pronostico di tempo compila ta indica cu dialuna anochi e tempo lo ta levemente te parcialmente nubla y generalmente seco. Den marduga y diamars tempo lo ta levemente te parcialmente nubla cu un awasero pasahero.
Temperatura maximo 34 grado Celsius y temperatura minimo 27 grado Celsius.
Solo lo baha awe nochi 07:08 pm y lo sali mañan mainta 06:24 am.
Biento, por lo general lo ta for di direccion oost y modera te basta fuerte; forsa 4 te 5 (20 te 39 km/ora, 11 te 21 nudo). Durante di dia fuerte te duro den rafaga; forsa 6 te 7 (40 te 61 km/ora, 22 te 33 nudo)
Situacion general di tempo:
Durante di proximo 24 ora lo no bai tin disturbionan cu lo afecta e weer den region local. Sinembargo, debi na humedad den atmosfera regional por spera un awasero pasahero y breve riba isla di Aruba.
Condicion di lama:
oOlanan di lama lo ta for di direccion oost cu haltura di 4 te localmente 7 pia na costa noordwest di nos isla.
Temperatura di superficie di lama: 28 grado Celsius.
Fenomenonan special: ningun
Sistemanan significante di weer tropical: ningun
Registracion di temperatura (Celsius) y awasero (mm) den ultimo 24 ora:
Airport max 33 / min 27 / 0.0
Hadicurari max 32 / min 27 / 0.0
Pronostico di tempo pa proximo dianan di siman:
Parcialmente nubla y generalmente seco. Biento lo ta for di generalmente direccion oost y modera te basta fuerte, de bes en cuando fuerte te duro den rafaga;
temperatura max / min lo ta: 33/28