Pronostico di tempo ta indica cu dialuna anochi, shelo lo ta levemente te parcialmente nubla cu chens pa un awasero breve den marduga y dialuna, shelo lo ta levemente te parcialmente nubla cu un awasero local.
Temperatura maximo 33 grado Celsius y temperatura minimo 27 grado Celsius.
Solo lo baha awe nochi 06:54 pm y lo sali mañan mainta 06:19 am.
Biento:
Modera te basta fuerte for di direccion generalmente oost; forsa 4 te 5 (20 te 39 km/ora, 11 te 21 nudo).
Den dia fuerte te posiblemente duro den rafaga; forsa 6 te 7 (40 te 61 km/ora, 22 te 33 nudo).
Situacion general di tempo:
Den proximo 24 ora, un disturbio na nivelnan mas halto di atmosfera den parti oost di Caribe, lo percura pa mas humedad den region local. Pa e motibo aki por spera desaroyo di un awasero localmente. Diferencianan di presion di aire den area di Caribe ta bahando un poco y biento tambe lo disminui den proximo dianan. Mas aleu e stof fini den aire tambe lo disminui un poco den proximo dianan y e visibilidad lo bira un poco mas miho.
Condicion di lama:
Olanan di lama lo ta for di direccion oost cu haltura di 5 te localmente 7 pia.
E olanan di mas halto ta na costa noordwest di nos isla. Ta pidi ocupantenan di boto chikito pa keto bay tene cuenta cu lama por ta poco bruto specialmente na costa noordwest. Ta pidi usuarionan di lama en general tambe pa tene esaki na cuenta.
Temperatura di superficie di lama: 27 grado Celsius.
Fenomenonan special: ningun
Registracion di temperatura (Celsius) y awasero (mm) den ultimo 24 ora:
Airport max 33 / min 27 / 0.0
Hadicurari max 32 / min 27 / 0.0
Pronostico di tempo pa proximo dianan di siman:
Parcialmente nubla sin awacero di importancia
Biento lo ta for di generalmente oost y modera te basta fuerte, de bes en cuando fuerte te posiblemente duro den rafaga;
Temperatura max/ min lo ta: 33/27