Pronostico di tempo ta indica cu dialuna anochi, shelo lo ta parcialmente nubla y generalmente seco.
Den marduga y diamars, shelo lo ta parcialmente nubla cu localmente un awasero breve.
Un alerta pa lama bruto ta na vigor awo.
Un aviso pa boto chikito y lama bruto lo ta na vigor entrante 6 pm diamars.
Temperatura maximo 35 grado celsius y temperatura minimo 28 grado Celsius.
Solo lo baha awe nochi 06:38 pm y lo sali mañan mainta 06:29 am.
Biento: modera for di direccionan entre oost i oost- noordoost;
Forsa 3 te 4 (12 te 30 km/ora, 7 te 16 nudo)
Den dia basta fuerte den rafaga;
Forsa 5 (31 te 39 km/ora, 17 te 21 nudo)
Situacion general di tempo:
Den proximo 24 ora e aire den region ta relativamente seco, sinembargo, humedad por bira net suficiente den oranan di marduga pa mainta tempran y produci localmente un awasero riba isla di Aruba.
Condicion di lama:
Olanan di lama lo ta for di direccion noordoost cu haltura di 3 te localmente 5 pia.
Labaderanan for di oost- noordoost ta bay cuminsa yega nos costanan den curso di awe nochi pa mañan mainta. Tene na cuenta cu lama localmente lo por bira bruto.
Temperatura di superficie di lama: 28 grado Celsius.
Fenomenonan special: ningun
Sistemanan significante di tempo tropical:
Horcan jose tabata situa oost di Cape Hatteras, North Carolina y tabata moviendo noord. Jose no ta un peliger pa region local.
Depresion tropical Lee tabata move west-noordwest riba awanan habri di Atlantico tropical y ta solamente un molester pa nabegacion maritimo.
Maria a bira horcan fuerte. Maria tabata situa mas of menos na 70 km oost-zuidoost di Dominica moviendo west-noordwest. Segun pronosticonan e lo pasa riba parti di islanan ariba, pero zuid di Sint Maarten y aproxima Puerto Rico pa diaranson. Maria no ta un menasa pa region local.
Registracion di temperatura (Celsius) y awasero (mm) den ultimo 24 ora:
Airport max 34 / min 28 / 0.0
Hadicurari max 34 / min 28 / 0.0
Pronostico di tempo pa proximo dianan di siman:
Parcialmente nubla cu localmente un awasero breve.
Biento lo ta for di direccion oost y modera te basta fuerte.
Temperatura max / min lo ta: 34/28