Pronostico di tempo compila dialuna 14 di Augustus, ta indica cu tempo dialuna anochi lo ta levemente te parcialmente nubla y generalmente seco. Den marduga y diamars, parcialmente nubla cu un awasero pasahero.
Temperatura maximo 34 grado Celsius y temperatura minimo 28 grado Celsius.
Solo lo baha awe nochi 07:00 pm y lo sali mañan mainta 06:28 am.
Biento:
For di direccion generalmente oost y modera te basta fuerte; forsa 3 te 5 (12 te 39 km/ora, 7 te 21 nudo). Durante di dia fuerte te posiblemente duro den rafaga; forsa 6 te 7 (40 te 61 km/ora, 22 te 33 nudo).
Situacion general di tempo:
Den proximo 24 ora nos tin un ola tropical cu a drenta parti oost di area di Caribe y lo trece humedad den atmosfera regional durante di diamars y diaranson mientras e ta moviendo west. esaki lo aumenta posibilidadnan di yobida e ora ey den region local.
Condicion di lama:
Olanan di lama lo ta for di direccion oost cu haltura di 4 te localmente 7 pia riba awanan habri na costa noordwest di nos isla.
Temperatura di superficie di lama: 28 grado Celsius.
Fenomenonan special: ningun
Sistemanan significante di weer tropical:
Tormenta tropical Gert ta moviendo west- zuidwest di Bermuda den direccion noord y lo bira pa noordoost mañan. E sistema aki no ta un peliger pa region local.
Registracion di temperatura (Celsius) y awasero (mm) den ultimo 24 ora:
Airport max 34 / min 28 / 0.0
Hadicurari max 33 / min 27 / 0.0
Pronostico di tempo pa proximo dianan di siman:
Parcialmente nubla cu localmente un awasero breve. Biento lo ta for di generalmente direccion oost y modera te basta fuerte, de bes en cuando fuerte te posiblemente duro den rafaga; temperatura max / min lo ta: 34/28