Pronostico di tempo valido te diamars 10 di juli 2018

0
RBC Juli 2018
ling and sons porciento
Funmiles-2018

Atencion: Un alerta pa biento duro y lama localmente bruto lo drenta na vigor mañan diamars 12’or di merdia…

Tempo pa dialuna anochi: levemente te parcialmente nubla y generalmente seco. Den marduga y diamars: levemente te parcialmente nubla cu localmente un awasero.

Temperatura maximo 32 grado Celsius y temperatura minimo 26 grado Celsius.

Solo lo baha awe nochi 07:09 pm y lo sali mañan mainta 06:21 am.

Biento: modera te fuerte for di direccion oost- noordoost te oost- zuidoost; forsa 4 te 6 (20 te 50 km/ora, 11 te 27 nudo). Den dia duro te posiblemente hopi duro den rafaga; forsa 7 te 8 (51 te 64 km/ora, 28 te 35 nudo).

Situacion general di tempo:
Den proximo 24 ora, un ola tropical cu ta restonan di Beryl, lo pasa cu mayoria di weer noord di nos region. Sinembargo, e humedad cu instabilidad cu e sistema aki lo trece den atmosfera regional por pone cu temporalmente mas nubia lo pasa riba e isla. Esaki lo por produci localmente un awasero cu posibilidad di lamper cu strena. Mas aleu, diferencianan di presion di aire den Caribe ta aumentando y un alerta pa biento duro ta necesario pa mañan.

Condicion di lama:
Olanan di lama lo ta for di direccion oost cu haltura di 5 te localmente 8 pia cu e olanan di mas halto na costanan oost, noordoost te noordwest di e isla. Ta pidi usuarionan di lama y doñonan di boto chikito pa tene esaki na cuenta y procede cu cautela riba lama habri.

Fenomenonan special: ningun

Tempo tropical significante: Beryl a caba na nada zuidoost di Puerto Rico y lo no wordo nombra mas den boletin di tempo.

Tormenta tropical Chris tabata situa zuid- zuidoost di Cape Hatteras, North- Carolina, y ta move erraticamente. E bientonan mas fuerte rond di e centro ta di 95 km/ora. E sistema aki no ta forma peliger pa region local.

Potencial di awasero pa proximo 24 ora: 1 pa 3 mm; localmente por varia

Registracion di temperatura (Celsius) y awasero (mm) den ultimo 24 ora:

Airport max 32 / min 26 / 0.0

Pronostico di tempo pa proximo dianan di siman:
Parcialmente nubla cu localmente un awasero. Biento lo ta for di direccion oost y modera te basta fuerte; den dia fuerte te duro den rafaga;
temperatura max / min lo ta: 33/27

Comments

comments

C: Heineken
new india
dvg