Pronostico di tempo valido te diamars 06 di Juni 2017

0

ALERTA: UN ALERTA PA BIENTO DURO TA NA VIGOR TE DIARANSON 6 PM

Pronostico di tempo compila dialuna 05 di juni 2017 ta indica cu dialuna anochi tempo lo ta
levemente te parcialmente nubla y generalmente seco. Den marduga y diamars, tempo lo ta  levemente te parcialmente te nubla cu chens pa un awasero localmente.

Temperatura maximo 33 grado Celsius y temperatura minimo 28 grado Celsius.

solo lo baha awe nochi 07:03 pm y lo sali mañan mainta 06:13 am.

Biento lo ta modera te basta fuerte for di direccion oost; forsa 4 te 5 (20 te 39 km/ora, 11 te 21 nudo). Den dia fuerte te duro te posiblemente hopi duro den rafaga; forsa 6 te 8 (40 te 64 km/ora, 22 te 35 nudo).

Situacion general di tempo:
Den proximo 24 ora no ta spera mucho cambio den e tipo di weer cu tin actualmente. Humedad den nivelnan mas abou di atmosfera lo por bira suficiente pa pone temporalmente mas nubia pasa riba nos region. Pa e motibo aki por spera un awasero breve den oranan di marduga y mainta. Mas aleu, un area di stof fini suspende den aire lo reduci visibilidad un poco den proximo dianan. Diferencianan di presion di aire den Caribe ta grandi y esaki lo produci bientu duro cu de bez en cuando rafaga hopi duro.

Condicion di lama:
Olanan di lama lo ta for di direccion oost cu haltura di 5 te localmente 8 pia. E olanan di mas haltu ta na costa noordwest di nos isla. Ta pidi ocupantenan di boto chikito pa tene esaki na cuenta ya cu ademas un alerta pa biento duro ta ketu bai na vigor.

Temperatura di superficie di lama: 27 grado Celsius.

Fenomenonan special: ningun

Sistemanan significante di weer tropical: ningun

Registracion di temperatura (celsius) y awacero (mm) den ultimo 24 ora:

Airport max 33 / min 28 / 0.0

Hadicurari max 32 / min 27 / 0.0

Pronostico di tempo pa proximo dianan di siman:
Parcialmente nubla cu localmente un awasero. Biento lo ta for di generalmente oost y modera te basta fuerte, de bes en cuando fuerte te posiblemente duro den rafaga;
temperatura max / min lo ta: 33/28