Pronostico di tempo ta indica cu diadomingo anochi, shelo lo ta levemente te parcialmente nubla y seco.
Dialuna, shelo lo ta parcialmente te temporalmente hopi nubla y generalmente seco.
Temperatura maximo 34 grado Celsius y temperatura minimo 28 grado Celsius.
Solo a baha awe nochi 06:34 pm y lo sali mañan mainta 06:29 am.
Biento:
For di direccion oost y modera te basta fuerte; forsa 3 te 5 ( 12 te 39 km/ora, 7 te 21 nudo)
Den dia fuerte den rafaga; Forsa 6 (40 te 50 km/ora, 22 te 27 nudo);
Situacion general di tempo:
Den proximo 24 ora no ta anticipa mucho cambio den e tipo di tempo cu tin actualmente y pa e motibo aki no ta spera awasero di importancia riba e isla. Un ola tropical actualmente den parti oost di Caribe lo aumenta e probabilidadnan di awasero pa comienso di siman.
Condicion di lama:
Olanan di lama lo ta for di direccion oost cu haltura di 3 te localmente 6 pia.
Temperatura di superficie di lama 29 grado Celsius.
Fenomenonan special: ningun
Tempo tropical:
– Karl tabata move den direccion noordoost riba awanan habri di Atlantico y lo bira extra tropical den proximo 24 ora. Karl ta solamente un molester pa nabegacion maritimo.
– Lisa a caba na nada y lo no wordo nombra mas den boletin di tempo.
– Un ola tropical riba Atlantico central, tin un chens grandi di bira un ciclon tropical den proximo 2 pa 5 dia.
Registracion di temperatura (Celsius) y awasero (mm) den ultimo 24 ora :
Airport max 34 / min 28 / 0.0
Hadicurari max 32 / min 28 / 0.0
Pronostico di tempo pa sobra di fin di siman:
Parcialmente nubla y generalmente seco;
Biento lo ta generalmente for di oost y lo ta modera te basta fuerte, posiblemente fuerte den rafaga.
Temperatura max/ min lo ta: 34/28
Pa loke ta isla di Corsou, tin informacion cu nan Servicio di Meteo ta evaluando con e situacion ta pa loke ta e disturbio cu a forma no mucho leu for di islanan ABC. Tin un ola tropical cerca. E ta posiciona basta abao y ta direccion west. Esaki sigur ta wordo monitorea di cerca. Tin cu tene cuenta cu nos ta den e temporada di Horcan y no mester descarta e sistema aki. Si e sistema sigui asina, por spera e sistema aki mas tarda diahuebs of diabierna. Chens ta cu e por desvia tambe, pero den e curso di dianan cu ta sigui lo bay monitor esaki. Esaki no ta un motibo pa drenta den alarma, pero djis pa ta vigilante pa loke ta e sistema ya menciona.