Pronostico di tempo valido te dialuna 19 di Juni 2017

0

Pronostico di tempo compila diadomingo 18 di Juni 2017, ta indica cu tempo diadomingo anochi lo ta levemente te parcialmente nubla y no ta spera awasero di importancia. Dialuna e tempo lo ta parcialmente nubla y no ta spera awasero di importancia.

Temperatura maximo 33 grado celsius y temperatura minimo 28 grado celsius.

Solo lo baha awe nochi 07:07 pm y lo sali mayan mainta 06:16 am.

Biento lo ta for di direccion oost te oost noordoost y modera te basta fuerte; forsa 4 te 5 ( 20 te 39 km/ora, 11 te 21 nudo). Den dia de bes en cuando fuerte te duro den rafaga; forsa 6 te 7 (40 te 61 km/ora, 22 te 33 nudo).

Situacion general di tempo:
Den proximo 24 ora no ta spera cambionan significante den tipo di weer cu tin actualmente y pa e motiboaki no ta spera cantidadnan significante di yobida riba isla di Aruba. Den curso di maƱan dialuna, un ola tropical, actualmente den parti oost di caribe y moviendo den direccion west lo acerca region local. E systema aki lo pasa den curso di awe anochi pa dialuna mainta cu mayoria weer zuid di nos area. Sinembargo por spera un aumento di nubia for di cual por cay un awasero breve riba isla di Aruba.

Condicion di lama:
Olanan di lama lo ta for di direccion oost cu haltura di 4 te localmente 7 pia.

Temperatura di superficie di lama 28 grado Celsius.

Fenomenonan special:

Tempo tropical: un area di presion abou a desaroya cerca di Peninsula di Yucatan y tin un chens medio di sigui desaroya y bira un ciclon tropical den proximo 48 hora.

Registracion di temperatura (Celsius) y awasero (mm) den ultimo 24 ora :

Airport max 33 / min 28 / 0.0

hadicurari max 30 / min 27 / 0.0

Pronostico di tempo pa sobra di fin di siman y comienso di otro siman:
Parcialmente nubla cu localmente un awasero; biento lo ta for di oost y lo ta modera te basta fuerte, de bes en cuando fuerte te duro den rafaga. Temperatura max/ min lo ta: 33/28