Pronostico di tempo ta indica cu diadomingo anochi, shelo lo ta levemente te parcialmente nubla cu un awasero pasahero den marduga y dialuna, shelo lo ta parcialmente nubla cu algun awasero pasahero.
Temperatura maximo 31 grado Celsius y temperatura minimo 25 grado Celsius.
Solo lo baha awe nochi 06:19 pm y lo sali mañan mainta 06:56 am.
Biento:
For di direccion generalmente oost y modera te basta fuerte; forsa 3 te 5 (12 te 39 km/ora, 7 te 21 nudo).
Den dia of durante di awasero fuerte te posiblemente duro den rafaga; forsa 6 te 7(40 te 61 km/ora, 22 te 33 nudo)
Situacion general di tempo:
Den proximo 24 ora aire humedo lo induci temporalmente mas nubia for di cual por spera algun awasero pasahero riba isla di Aruba. No ta spera cantidadnan grandi di awa pero debi cu suela ta satura esaki por causa molester na e lugarnan di custumber. Mas aleu por bisa cu debi na e
diferencianan di presion den area di Caribe cu a bira poco grandi den ultimo 24 ora, biento a bira mas duro.
Condicion di lama:
Olanan di lama lo ta for di direccion oost cu haltura di 5 te localmente 9 pia.
Alerta: ta pidi ocupantenan di boto chikito pa procede cu cautela riba lama grandi, specialmente na Noord ya cu e combinacion di biento duro y labaderanan modera for di noordoost te oost ta invadi nos awanan regional y pone cu localmente lama por ta bruto cu olanan di te cu 9 pia.
Temperatura di superficie di lama 28 grado Celsius.
Fenomenonan special: ningun
Registracion di temperatura (Celsius) y awasero (mm) den ultimo 24 ora :
Airport max 31 / min 25 / 3.0
Hadicurari max 29 / min 25 / 10.2
Pronostico di tempo pa comienso di siman:
Levemente te parcialmente nubla cu un awasero pasahero;
Biento lo ta for di generalmente oost y modera te fuerte,
Posiblemente de bes en cuando duro den rafaga;
Temperatura max/ min lo ta: 31/25