Pronostico di tempo valido te diahuebs 8 di Maart 2018

0

Atencion: un aviso pa boto chikito ta na vigor te proximo aviso. Un aviso pa olanan halto ta na vigor y un alerta pa biento duro lo drenta na vigor mañan mainta 6’or…

Pronostico di tempo pa diaranson anochi ta indica cu shelo lo ta levemente te parcialmente nubla y generalmente seco. Den marduga y diahuebs: parcialmente nubla cu chens pa localmente un awasero

Temperatura maximo 32 grado Celsius y temperatura minimo 26 grado Celsius.

Solo lo baha awe nochi 06:49 pm y lo sali mañan mainta 06:51 am.

Biento: modera te basta fuerte for di direccion oost te oost- noordoost; forsa 4 te 5 (20 te 39 km/ora, 11 te 21 nudo). Den dia fuerte te duro den rafaga; forsa 6 te 7 (40 te 61 km/ora, 22 te 33 nudo).

Situacion general di tempo:
Den proximo 24 ora temporalmente lo bay pasa mas nubia riba nos region. Sinembargo, solamente den oranan di marduga y mainta trempan e chens pa localmente un awasero pasahero ta existi. Resto di dia tempo lo keda generalmente seco. E diferencianan di presion di aire den area di Caribe ta creciendo y pa e motibo aki biento tambe lo bay supla mas duro. Pa e motibo aki un alerta pa biento duro lo drenta na vigor den curso di mañan mainta 6’or.

Condicion di lama:
Olanan di lama lo ta for di direccion oost- noordoost cu haltura di 5 te 9 pia; e olanan di mas halto lo ta na costanan oost, noord te noordwest di e isla. Labaderanan cu ta bini di noordoost ta pone cu lama ta bruto na cierto localidadnan y por yega di 6 te 10 pia den curso di awe nochi y mañan. Debi na esaki un aviso pa olanan halto ta na vigor. Un aviso pa boto chikito lo sigui ta na vigor. Ta pidi ocupantenan di boto chikito y usuarionan di lama pa tene esaki na cuenta y procede cu cautela.

Temperatura di superficie di lama: 25 grado Celcius.

Fenomenonan special: ningun

Potencial di awasero pa proximo 24 ora: 1 mm of menos

Registracion di temperatura (Celsius) y awasero (mm) den ultimo 24 ora:

Airport max 31 / min 26 / 0.0

Pronostico di tempo pa proximo dianan di siman:
Levemente te parcialmente nubla cu chens riba un awasero breve. Biento lo ta for di direccion oost te oost-noordoost y modera te basta fuerte; den dia fuerte te duro den rafaga;
temperatura max / min lo ta: 32/25

Comments

comments