Pronostico di tempo ta indica cu diaranson anochi, shelo lo ta parcialmente nubla y generalmente seco.
Den marduga y diahuebs, shelo lo ta parcialmente nubla cu localmente un awasero breve.
Temperatura maximo 34 grado Celsius y temperatura minimo 28 grado Celsius.
Solo lo baha awe nochi 06:51 pm y lo sali mañan mainta 06:29 am.
Biento: modera te basta fuerte for di direccionan entre oost y oost- zuidoost;
Forsa 4 te 5 (20 te 39 km/ora, 11 te 21 nudo)
Durante di dia fuerte te posiblemente duro den rafaga;
Forsa 6 te 7 (40 te 61 km/ora, 22 te 33 nudo)
Situacion general di tempo:
Den proximo 24 ora lo bay tin suficiente humedad den atmosfera pa produci temporalmente mas nubia den region local. Por spera principalmente den oranan di marduga y mainta localmente un awasero riba isla di Aruba.
Condicion di lama:
Olanan di lama lo ta for di direccion oost cu haltura di 3 te localmente 6 pia na costa noord te noordwest.
Temperatura di superficie di lama: 28 grado Celsius.
Fenomenonan special: ningun
Sistemanan significante di tempo tropical: “Harvey” ta moviendo cerca di Lake Charles, Louisiana, keto bay causando hopi awasero cu inundacion.
Un area di presion abou situa west di islanan Cabo Verde a sigui desaroya y bira tormenta tropical Irma. Irma tabata situa na mas of menos 750 km west di islanan Cabo Verde moviendo west y ta solamente un molester pa navegacion maritimo.
Ningun di e 2 sistemanan aki ta un menasa pa region local.
Registracion di temperatura (Celsius) y awasero (mm) den ultimo 24 ora:
Airport max 35 / min 28 / 0.0
Hadicurari max 34 / min 27 / 0.0
Pronostico di tempo pa proximo dianan di siman:
Parcialmente nubla cu localmente un awasero.
Biento lo ta for di direccion generalmente oost y modera te basta fuerte, den dia de bes en cuando fuerte den rafaga;
Temperatura max / min lo ta: 34/28