Pronostico di tempo compila diaranson 28 di Juni 2017, ta indica cu e tempo diaranson anochi lo ta parcialmente nubla cu un awasero local. Den marduga y diahuebs, tempo lo ta parcialmente te hopi nubla cu un awasero local y posibilidad di strena cu lamper
Temperatura maximo 33 grado Celsius y temperatura minimo 26 grado Celsius.
Solo lo baha awe nochi 07:09 pm y lo sali mañan mainta 06:18 am.
Biento lo ta for di direccionan entre noordoost y zuidoost, modera te basta fuerte;
forsa 3 te 5 ( 12 te 39 km/ora, 7 te 21 nudo) durante dia y awacero fuerte te posiblemente duro den rafaga; forsa 6 te 7 (40 te 61 km/ora, 22 te 33 nudo)
Situacion general di tempo:
Den proximo 24 ora un ola tropical lo pasa den nos region bai west. E sistema aki lo trece humedad y instabilidad den atmosfera regional.Pa e motibo aki por spera algun awasero cu por bai compaña pa strena cu lamper. Mas aleu, despues cu e ola tropical pasa stof fini suspende den aire lo bolbe drenta den nos region y lo stroba visibilidad un poco pa proximo dia of dos.
Condicion di lama:
Olanan di lama lo ta for di direccion oost cu haltura di 4 te localmente 7 pia. E olanan di mas haltu ta na costa noordwest di nos isla. Ocupantenan di boto chikito ta wordo suplica pa procede cu cautela riba lama habri ya cu lama por bira bruto den awasero.
Temperatura di superficie di lama: 28 grado Celsius.
Fenomenonan special: ningun
Sistemanan significante di weer tropical: ningun
Registracion di temperatura (Celsius) y awasero (mm) den ultimo 24 ora:
Airport max 33 / min 27 / 0.0
Hadicurari max 31 / min 27 / 0.0
Pronostico di tempo pa proximo dianan di siman:
Parcialmente te temporalmente hopi nubla cu localmente un awasero. Biento lo ta for di generalmente oost y modera te basta fuerte, de bes en cuando fuerte te posiblemente duro den rafaga; temperatura max / min lo ta: 33/28