Pronostico di tempo ta indica cu diaranson anochi tempo lo ta levemente te parcialmente nubla cu chens pa un awasero pasahero. Den marduga y diahuebs: parcialmente te temporalmente hopi nubla cu algun awasero breve
Temperatura maximo 32 grado Celsius y temperatura minimo 25 grado Celsius.
Solo lo baha awe nochi 06:51 pm y lo sali mayan mainta 06:42 am.
Biento:
Modera for di direccion oost te oost-noordoost; forsa 3 te 4 (12 te 30 km/ora, 7 te 16 nudo).
den dia basta fuerte te posiblemente fuerte den rafaga; forsa 5 te 6 (31 te 50 km/ora, 17 te 27 nudo)
Situacion general di tempo:
Humedad den nivelnan mas abou di atmosfera a aumenta. pa e motibo aki por spera durante proximo 24 ora temporalmente formacion di mas nubia for di cual por cay algun awasero riba isla di Aruba.
Condicion di lama:
Olanan di lama lo ta for di direccion oost cu haltura di 3 te 5 pia; na costa noord te noordwest por spera e olanan di mas halto.
Temperatura di superficie di lama: 26 grado celsius.
Fenomenonan special: ningun
Registracion di temperatura (Celsius) y awasero (mm) den ultimo 24 ora:
Airport max 32 / min 26 / 0.0
Hadicurari max 30 / min 25 / 0.0
Pronostico di tempo pa proximo dianan di siman: levemente te parcialmente nubla cu un awasero breve. Biento lo ta for di generalmente oost y modera te basta fuerte; den dia posiblemente fuerte den rafaga; temperatura max/ min lo ta: 32/26