Pronostico di tempo compila diaranson 16 di Augustus ta indica cu tempo diaranson anochi lo ta levemente te parcialmente nubla cu chens pa un awasero breve. Den marduga y diahuebs, tempo lo parcialmente nubla cu localmente un awasero.
Temperatura maximo 34 grado celsius y temperatura minimo 27 grado celsius.
Solo lo baha awe nochi 06:59 pm y lo sali mañan mainta 06:28 am.
Biento:
For di direccionan entre oost- noordoost y oost- zuidoost y modera te basta fuerte;
forsa 3 te 5 (12 te 39 km/ora, 7 te 21 nudo). Durante di dia of posible awasero fuerte te posiblemente duro den rafaga; forsa 6 te 7 (40 te 61 km/ora, 22 te 33 nudo)
Situacion general di tempo:
Un ola tropical den parti oost di area di caribe ta moviendo west y lo trece humedad den atmosfera regional durante di awe y diahuebs. Pa e motibo aki por spera den proximo 24 ora localmente algo di awasero riba isla di Aruba cu un posibilidad di lamper cu strena.
Condicion di lama:
Olanan di lama lo ta for di direccion oost cu haltura di 4 te localmente 6 pia riba awanan habri na costa noordwest di nos isla.
Temperatura di superficie di lama: 28 grado celsius.
Fenomenonan special: ningun
Sistemanan significante di weer tropical:
Horcan Gert tabata moviendo noordwest di Bermuda den direccion noordoost y ta spera cu e ta bai asumi un direccion mas oost- noordoost y move mas rapido den curso di proximo dianan. E sistema aki no ta un peliger pa region local.
Un area di presion abou ta ubica na mas o menos 1200 km oost di area di Caribe, moviendo west. den proximo 2 pa 5 dia tin un chens medio pa e sistema aki sigui desaroya y bira un ciclon tropical.
Un siguiente area di mal tempo ta situa mas o menos mei mei di Africa y area di Caribe ta moviendo west- noordwest. E sistema aki tin un chens medio den proximo 2 pa 5 dia di sigui desaroya y bira un ciclon tropical.
Servicio Meteorologico di Aruba lo vigila e 2 sistemanan aki hopi di acerca pa futuro desaroyonan cu nan por tin.
Registracion di temperatura (Celsius) y awasero (mm) den ultimo 24 ora:
Airport max 34 / min 28 / 0.0
Hadicurari max 33 / min 27 / 0.0
Pronostico di tempo pa proximo dianan di siman:
Parcialmente nubla cu localmente un awasero. Biento lo ta for di generalmente direccion oost y modera te basta fuerte, de bes en cuando fuerte te posiblemente duro den rafaga;
temperatura max / min lo ta: 34/28