Pronostico di tempo valido te diahuebs 14 di juni 2018

0

Atencion: Un alerta pa biento duro y lama localmente bruto ta na vigor…

Pronostico di tempo pa diaranson anochi: levemente nubla y generalmente seco. Den marduga y diahuebs: parcialmente nubla cu chens pa un awasero pasahero

Temperatura maximo 33 grado Celsius y temperatura minimo 27 grado Celsius.

Solo lo baha awe nochi 07:05 pm y lo sali maƱan mainta 06:14 am.

Biento: modera te fuerte for di generalmente direccion oost; forsa 4 te 6 (20 te 50 km/ora, 11 te 27 nudo). Den dia duro te posiblemente hopi duro den rafaga; forsa 7 te 8 (51 te 64 km/ora, 28 te 35 nudo)

Situacion general di tempo:
Humedad disponible den nivelnan mas abou di atmosfera induci pa un ola tropical cu ta move west lo por produci un awasero pasahero den proximo 24 ora. Stof fini suspende den aire lo disminui visibilidad un poco den proximo dia of dos. Mas aleu por bisa cu e diferencianan di presion di aire den Caribe a bolbe aumenta poniendo cu un biento duro ta suplando.

Condicion di lama:
Olanan di lama lo ta for di direccion oost cu haltura di 5 te localmente 9 pia; e olanan di mas halto lo ta na costanan oost, noordoost te noordwest di e isla. Ta suplica operadornan di boto chikito pa procede cu cautela riba lama habri.

Fenomenonan special: ningun

Tempo tropical significante: ningun

Potencial di awasero pa proximo 24 ora: 1 mm; localmente por ta mas

Registracion di temperatura (Celsius) y awasero (mm) den ultimo 24 ora:

Airport max 32 / min 27 / 0.2

Pronostico di tempo pa proximo dianan di siman:
Parcialmente nubla cu un awasero pasahero. Biento lo ta for di direccion oost y modera te fuerte;
den dia duro te probablemente hopi duro den rafaga;

Temperatura max / min lo ta: 33/27

Comments

comments