Pronostico di tempo diaranson anochi: levemente te parcialmente nubla y generalmente seco den marduga y diahuebs: levemente te parcialmente nubla y no ta spera awasero di importancia.
Temperatura maximo 31 grado Celsius y temperatura minimo 25 grado Celsius.
Solo lo baha awe nochi 06:31 pm y lo sali mañan mainta 07:04 am.
Biento: modera te basta fuerte for di direccion oost te oost- zuidoost; forsa 4 te 5 (20 te 39 km/ora, 11 te 21 nudo). Den dia fuerte te posiblemente duro den rafaga; forsa 6 te 7 (40 te 61 km/ora, 22 te 33 nudo)
Situacion general di tempo:
Extension di un area di presion halto riba oceano Atlantico ta dominando tempo den region local. Aire relativamente seco induci door di e sistema aki ta pone cu no ta spera awasero di importancia durante proximo 24 ora.
Condicion di lama:
Olanan di lama lo ta for di direccion oost cu haltura di 4 te 7 pia; e olanan di mas halto lo ta na costa noordwest di e isla.
Temperatura di superficie di lama: 25 grado Celsius.
Fenomenonan special: ayera nochi den curso di 10.52, a produci un temblor bou di lama (maremoto) na un profundidad di 33 km, dilanti di costa di Honduras. e magnitud tabata di 7.6 riba e escala di mms. E la sosode na un profundidad di 33 km; no tabatin reporte di un tsunami causa pa e maremoto aki.
Registracion di temperatura (Celsius) y awasero (mm) den ultimo 24 ora:
Airport max 32 / min 25 / 0.0
Sero blanco max 31 / min 26 / 0.0
Pronostico di tempo pa proximo dianan di siman:
Levemente te parcialmente nubla y generalmente seco. Biento lo ta for di direccion generalmente oost y modera te basta fuerte; den dia fuerte te posiblemente duro den rafaga; temperatura max / min lo ta: 30/25