Pronostico di tempo ta indica cu diaranson anochi, shelo parcialmente nubla y generalmente seco
den marduga y diahuebs, shelo lo ta parcialmente nubla cu posibilidad di un awasero breve.
Temperatura maximo 31 grado Celsius y temperatura minimo 26 grado Celsius.
Solo lo baha awe nochi 06:12 pm y lo sali mañan mainta 06:46 am.
Biento:
For di direccionan entre noordoost y oost y modera; forsa 3 te 4 (12 te 30 km/ora, 7 te 16 nudo).
Situacion general di tempo:
Den proximo 24 ora extencion swak di un area di presion halto lo domina tempo den nos region, treciendo aire relativamente seco den atmosfera. Pa e motibo aki no ta spera sino un awasero breve riba isla di Aruba.
Condicion di lama:
Olanan di lama lo ta for di direccion noordoost cu haltura di 3 te localmente 5 pia.
Temperatura di superficie di lama 28 grado Celsius.
Fenomenonan special: ningun
Tempo tropical: Awe ta e ultimo dia di temporada di horcan 2016 di Atlantico. Durante e periodo di 1 di Juni te cu awe 30 di November 16 ciclon tropical a wordo registra for di cual tabatin 15 tormenta tropical. For di e 15 tormentanan aki a desaroya 7 horcan. Di e 7 horcannan a desaroya 3 horcan fuerte. A pesar cu e temporada a finalisa awe, servicio meteorologico di Aruba lo sigui vigila Atlantico pa desaroyonan y si ta necesario emiti avisonan pa publico.
Registracion di temperatura (Celsius) y awasero (mm) den ultimo 24 ora :
Airport max 32 / min 27 / 0.0
Hadicurari max 31 / min 26 / 0.0
Pronostico di tempo pa proximo dianan di siman:
Parcialmente nubla cu chens pa un awasero breve;
Biento lo ta for di noordoost te oost y modera;
Temperatura max/ min lo ta: 31/26