Pronostico di tempo ta indica cu diarason anochi, shelo lo ta parcialmente nubla y generalmente seco.
Diahuebs, shelo lo ta parcialmente nubla cu chens pa localmente un awasero den oranan
di marduga y mainta.
Alerta: Un aviso pa lama bruto y botonan chikito ta na vigor te cu awe nochi 9’or pa e partinan di Bushiri te Arashi… E aviso pa cautela riba lama pa sobra partinan ta keda na vigor te mañan merdia 12 pm.
Temperatura maximo 33 grado Celsius y temperatura minimo 28 grado Celsius.
Solo lo baha awe nochi 06:27 pm y lo sali mañan mainta 06:30 am.
Biento:
For di generalmente direccion zuidoost y swak te modera; forsa 2 te 4 ( 7 te 30 km/ora, 4 te 16 nudo)
Situacion general di tempo:
Den proximo 24 ora no ta spera cambionan significante den e tipo di tempo cu tin actualmente den nos region; pa e motibo aki no ta spera awacero di importancia riba isla di Aruba.
Condicion di lama:
Olanan di lama lo ta for di direccion noordwest cu haltura di 4 te localmente 6 pia den labaderanan induci pa horcan Matthew. E alerta pa usuarionan di lama pa procede cu cautela ta keto bay na vigor. Pa mañan lama lo ta menos bruto cu olanan di 3 te 4 pia ya cu e labaderanan ta bahando.
Temperatura di superficie di lama 29 grado Celsius.
Fenomenonan special: ningun
Tempo tropical: horcan fuerte Matthew, tabata situa awe tardi na zuid di Long Island, Bahamas y ta moviendo den direccion noordwest y no ta un peliger pa nos region local.
– Tormenta tropical Nicole tabata situa na mas of menos 825 km noordoost di San Juan, Puerto Rico y tabata moviendo west- noordwest. E sistema aki no ta un peliger pa nos region.
Registracion di temperatura (Celsius) y awasero (mm) den ultimo 24 ora :
Airport: max 33 / min 27 / 0.0
Hadicurari: max 32 / min 27 / 0.0
Pronostico di tempo pa proximo dianan di siman:
Parcialmente nubla cu chens pa localmente un awasero;
Biento lo ta for di generalmente zuidoost y lo ta swak te modera;
Temperatura max/ min lo ta: 33/28