Pronostico di tempo valido te diahuebs 05 di april 2018

0

Pronostico di tempo pa diaranson anochi: levemente te parcialmente nubla y generalmente seco. Den marduga y diahuebs: levemente te parcialmente nubla cu localmente un awasero breve

Temperatura maximo 32 grado Celsius y temperatura minimo 26 grado Celsius.

Solo lo baha awe nochi 06:51 pm y lo sali maƱan mainta 06:33 am.

Biento: modera te basta fuerte for di direccion oost te oost- noordoost; forsa 3 te 5 (12 te 39 km/ora, 7 te 21 nudo). Den dia posiblemente fuerte den rafaga; forsa 6 (40 te 50 km/ora, 22 te 27 nudo).

Situacion general di tempo:
Den proximo 24 ora no ta spera cambionan significante den e tipo di weer cu tin actualmente. Den curso di marduga y mainta di diahuebs temporalmente lo bay tin mas nubia den region local for di cual por cay un awasero. Resto di dia tempo lo keda generalmente seco.

Condicion di lama:
Olanan di lama lo ta for di direccion oost cu haltura di 3 te localmente 5 pia; e olanan di mas halto lo ta na costanan oost, noord te noordwest di e isla.

Temperatura di superficie di lama: 26 grado Celsius.

Fenomenonan special: ningun

Potencial di awasero pa proximo 24 ora: 1 mm of menos;

Registracion di temperatura (Celsius) y awasero (mm) den ultimo 24 ora:

Airport max 32 / min 26 / 0.0

Pronostico di tempo pa proximo dianan di siman:
Levemente te parcialmente nubla y generalmente seco. Biento lo ta for di direccion oost y modera te basta fuerte; den dia fuerte den rafaga;
temperatura max / min lo ta: 32/26

Comments

comments