Pronostico di tempo compila diaranson 31 di Mei 2017, ta indica cu diaranson anochi e tempo lo ta levemente te parcialmente nubla y chens pa un awasero pasahero. Den marduga y diahuebs, shelo lo ta parcialmente nubla cu un awasero breve.
Temperatura maximo 33 grado Celsius y temperatura minimo 28 grado Celsius.
Solo lo baha awe nochi 07:02 pm y lo sali mañan mainta 06:13 am.
Biento lo ta modera te basta fuerte for di direccion oost; forsa 4 te 5 (20 te 39 km/ora, 11 te 21 nudo). Den dia fuerte te posiblemente duro den rafaga; forsa 6 te 7 (40 te 61 km/ora, 22 te 33 nudo).
Situacion general di tempo:
Humedad den atmosfera regional lo pone cu temporalmente mas nubia por forma den nos area y pa e motibo aki por spera un awasero den oranan di marduga y mainta. Mas aleu, un area di stof fini suspende den aire lo stroba visibilidad den proximo dianan.
Condicion di lama:
Olanan di lama lo ta for di direccion oost cu haltura di 5 te localmente 7 pia. E olanan di mas haltu ta na costa noordwest di nos isla. Ta pidi ocupantenan di boto chikito pa procede cu cautela ya cu localmente lama por ta bruto.
Temperatura di superficie di lama: 27 grado Celsius.
Fenomenonan special: Diahuebs 1 di juni temporada oficial di horcan di 2017 den Atlantico lo cuminsa. Manera semper servicio meteorologico di Aruba, DMA, lo mantene vigilancia riba Oceano Atlantico y si ta necesario lo avisa pueblo di Aruba na tempo, en caso di un menasa. E nombernan oficial di tormentanan pa 2017 ta lo siguiente: Arlene, a forma for di temporada oficial di 2017 y e resto di nombernan ta: Bret, Cindy, Don, Emily, Franklin, Gert, Harvey, Irma, Jose, Katia, Lee, Maria, Nate, Ophelia, Philippe, Rina, Sean, Tammy, Vince y Whitney.
Registracion di temperatura (Celsius) y awasero (mm) den ultimo 24 ora:
Airport max 33 / min 28 / 0.0
Hadicurari max 31 / min 27 / 0.0
Pronostico di tempo pa proximo dianan di siman:
Parcialmente nubla cu localmente un awasero breve, biento lo ta for di generalmente oost y modera te basta fuerte, de bes en cuando fuerte te posiblemente duro den rafaga;
temperatura max / min lo ta: 33/28