Un advertencia pa biento duro ta na vigor te 6 pm ast diadomingo 21 Mei 2017
Pronostico di tempo ta indica cu diasabra anochi shelo lo ta levemente te parcialmente nubla y generalmente seco. Den marduga y diadomingo shelo lo ta parcialmente nubla cu chens pa un awacero pasajero
Temperatura maximo 33 grado Celsius y temperatura minimo 28 grado Celsius.
Solo lo baha awe nochi 06:59 pm y lo sali mañan mainta 06:14 am.
Biento lo ta modera te basta fuerte for di direccion oost; forsa 4 te 5 (20 te 39 km/ora, 11 te 21 nudo). Den dia fuerte te duro, tin bez hopi duro den rafaga; forsa 6 te 8 (40 te 64 km/ora, 22 te 35 nudo)
Situacion general di tempo:
No ta spera mucho cambio den e situacion di tempo actual pa proximo 24 ora.
Pa e motibo aki no ta spera awasero significante riba nos isla. Mas aleu, stof fini den aire lo mengua visibilidad un poco. E diferencianan grandi den presion di aire den Caribe ta ocasionando un biento fuerte te hopi duro. Pa mañan diadomingo anochi te dialuna biento lo cuminsa baha poco.
Condicion di lama:
Olanan di lama lo ta for di direccion oost cu haltura di 5 te localmente 8 pia. E olanan di mas haltu ta na costa noordwest di nos isla. Ocupantenan di boto chikito mester tene na cuenta cu e biento fuerte lo ocasiona lama relativamente bruto na cierto partinan di costa.
Temperatura di superficie di lama: 27 grado celsius.
Fenomenonan special: ningun
Registracion di temperatura (celsius) y awasero (mm) den ultimo 24 ora:
Airport max 32 / min 27 / 0.0
Hadicurari max 32 / min 27 / 0.0
Pronostico di tempo pa comienso di siman:
Parcialmente nubla cu localmente un awasero breve. Biento lo ta for di generalmente oost y modera te basta fuerte, de bes en cuando fuerte te duro den rafaga; temperatura max / min lo ta: 33/28