ATENCION: un alerta pa biento duro ta na vigor te proximo aviso…
Pronostico di tempo pa diasabra anochi: levemente te parcialmente nubla y generalmente seco. Den marduga y diadomingo: parcialmente nubla cu chens pa un awasero pasahero.
Temperatura maximo 31 grado Celsius y temperatura minimo 25 grado Celsius.
Solo lo baha awe nochi 06:36 pm y lo sali mañan mainta 07:06 am.
Biento: modera te basta fuerte for di generalmente direccion oost; forsa 4 te 5 (20 te 39 km/ora, 11 te 21 nudo). Den dia fuerte te duro, tin bes hopi duro den rafaga;
forsa 6 te 8 (40 te 74 km/ora, 22 te 40 nudo)
Situacion general di tempo:
Den proximo 24 ora de bez en cuando mas nubia lo pasa riba e isla cu principalmente den oranan di marduga y mainta trempan chens pa un awasero pasahero. Resto di dia lo keda generalmente seco. Diferencianan di precion di aire den area di Caribe ta relativamente grandi, motibo pa cual den region local un biento duro te hopi duro lo supla den rafaga.
Condicion di lama:
Olanan di lama lo ta for di direccion oost cu haltura di 5 te 8 pia; e olanan di mas halto lo ta na costa noord te noordwest di e isla. Ta pidi usuarionan di lama pa tene cuenta cu e biento duro te hopi duro cu ta supla lo hasi lama localmente bastante bruto.
Temperatura di superficie di lama: 25 grado celsius.
Fenomenonan special: ningun
Registracion di temperatura (celsius) y awasero (mm) den ultimo 24 ora:
Airport max 31 / min 26 / 0.0
Sero blanco max 31 / min 26 / 0.0
Pronostico di tempo pa comienso di siman:
parcialmente nubla cu un awacero pasahero. Biento lo ta for di direccion generalmente oost y modera te basta fuerte; den dia fuerte te ocasionalmente hopi duro den rafaga;
temperatura max / min lo ta: 30/25