Pronostico di tempo compila diasabra 17 di Juni 2017, ta indica cu e e tempo diasabra anochi lo ta parcialmente nubla cu chens pa un awasero breve. Den marduga y diadomingo, e tempo lo ta parcialmente nubla cu localmente un awasero.
Temperatura maximo 33 grado Celsius y temperatura minimo 28 grado Celsius.
Solo lo baha awe nochi 07:06 pm y lo sali mañan mainta 06:15 am.
Biento lo ta modera te basta fuerte for di generalmente direccion oost; forsa 4 te 5 (20 te 39 km/ora, 11 te 21 nudo). Den dia fuerte te posiblemente duro den rafaga; forsa 6 te 7 (40 te 61 km/ora, 22 te 33 nudo).
Situacion general di tempo:
Den proximo 24 ora temporalmente mas nubia lo pasa riba region local. Pa e motibo aki por spera principalmente den oranan di marduga y mainta localmente un awasero riba isla di Aruba. No por exclui posibilidad di strena cu lamper.
Condicion di lama:
Olanan di lama lo ta for di direccion oost cu haltura di 4 te localmente 7 pia. E olanan di mas haltu ta na costa noordwest di nos isla.
Temperatura di superficie di lama: 27 grado Celsius.
Fenomenonan special: ningun
Sistemanan significante di weer tropical: un ola tropical situa mas o menos 2200 kilometer zuidoost di e islanan mas oost di Caribe tin un chens medio pa sigui desaroya y bira un ciclon tropical den proximo 2 dianan, mientras e ta move riba e awanan tropical di Atlantico den
direccion west.
Un area di presion abou situa den parti noordwest di Caribe tin un chens grandi pa sigui desaroya i bira un cyclon tropical den proximo 5 dia, na momento cu e move slow den direccion noordwest banda di Peninsula di Yucatan y Golfo di Mexico. Servicio meteorologico di Aruba lo sigui desaroyo di e sistemanan aki cu hopi atencion.
Registracion di temperatura (Celsius) y awasero (mm) den ultimo 24 ora:
Airport max 33 / min 27 / 0.0
Hadicurari max 32 / min 27 / 0.0
pronostico di tempo pa comienso di siman:
parcialmente nubla cu un awacero pasajero
biento lo ta for di generalmente oost y modera te basta fuerte,
de bes en cuando fuerte te posiblemente duro den rafaga;
temperatura max / min lo ta: 33/28