Pronostico di tempo valido te diadomingo 15 di april 2018

0

Atencion: Un alerta pa biento duro y lama localmente bruto ta na vigor.

Tempo pa diasabra anochi lo ta levemente te parcialmente nubla y generalmente seco. Den marduga y diadomingo: levemente te parcialmente nubla sin awasero di importancia

Temperatura maximo 32 grado Celsius y temperatura minimo 26 grado Celsius.

Solo lo baha awe nochi 06:52 pm y lo sali maƱan mainta 06:27 am.

Biento: modera te basta fuerte for di direccion oost; forsa 4 te 5 (20 te 39 km/ora, 11 te 21 nudo)
den dia fuerte te duro, tin bez hopi duro den rafaga; forsa 6 te 8 (40 te 64 km/ora, 22 te 35 nudo)

Situacion general di tempo:
Lo no bay tin cambionan significante den e tipo di weer cu tin actualmente. Pa e motibo aki no ta spera awasero di importancia den proximo 24 ora. Mas aleu, biento lo supla un poco mas fuerte
durante e weekend aki y pa e motibo aki un alerta pa biento fuerte y lama localmente bruto ta na vigor.

Condicion di lama:
Olanan di lama lo ta for di direccion oost cu haltura di 5 te localmente 8 pia; durante e weekend aki lama lo bira localmente bruto cu olanan di 6 te 10 pia. E olanan di mas halto lo ta na costanan oost, noord te noordwest di e isla. Ta pidi usuarionan di lama y ocupantenan di boto
chikito pa tene cuenta cu esaki y procede cu cautela riba lama habri.

Temperatura di superficie di lama: 26 grado celsius.

Fenomenonan special: ningun

Potencial di awasero pa proximo 24 ora: menos cu 1 mm;

Registracion di temperatura (Celsius) y awasero (mm) den ultimo 24 ora:

Airport max 32 / min 26 / 0.0

Pronostico di tempo pa comienso di siman:
Levemente te parcialmente nubla y generalmente seco. Biento lo ta for di direccion oost y modera te basta fuerte;den dia fuerte te hopi duro den rafaga;
temperatura max / min lo ta: 32/26

Comments

comments