Pronostico di tempo ta indica cu diasabra anochi, shelo lo ta parcialmente nubla y generalmente seco.
Den marduga y diadomingo, shelo lo ta parcialmente te hopi nubla cu localmente un awasero.
Un aviso pa boto chikito y lama bruto ta sigui na vigor.
Temperatura maximo 33 grado Celsius y temperatura minimo 27 grado Celsius.
Solo a baha awe nochi 06:45 pm y lo sali mañan mainta 06:29 am.
Biento: zwak te modera for di direccion oost- zuidoost;
Forsa 2 te 4 (7 te 23 km/ora, 4 te 12 nudo)
Temporalmente variabel y zwak; forsa 1 (1 te 6 km/ora, 1 te 3 nudo)
Situacion general di tempo:
Humedad den atmosfera regional ta sigui ta suficiente pa de bes en cuando ocasiona mas nubia y localmente un awasero riba isla di Aruba. No por exclui posibilidad di lamper cu strena.
Condicion di lama:
Olanan di lama lo ta for di direccion noordoost cu haltura di 5 te localmente 7 pia.
Labaderanan for di oost-noordoost produci pa horcan Jose ta causando lama poco bruto specialmente na costa noord; E situacion aki lo extende te den prome dianan di e siman venidero.
Temperatura di superficie di lama: 28 grado Celsius.
Fenomenonan special: ningun
Sistemanan significante di tempo tropical:
Horcan Irma tabata situa 190 km zuidoost di Key West, Florida, moviendo west- noordwest.
Irma ta un horcan ta uno di categoria 3 awo pero keto bay e ta un horcan fuerte y peligroso.
Horcan Jose ta un horcan fuerte di categoria 4 y tabata situa mas of menos 135 km oost- noordoost di islanan ariba y ta moviendo noordwest, pasando noordoost di islanan ariba.
Katia a subi tera y desintegra den e ceronan di Mexico. E sistema aki a caba na nada y lo no wordo nombra mas den boletin di tempo.
Registracion di temperatura (Celsius) y awasero (mm) den ultimo 24 ora:
Airport max 32 / min 25 / 0.0
Hadicurari max 31 / min 25 / 0.0
Pronostico di tempo pa comienso di siman:
Parcialmente nubla cu localmente un awasero.
Biento lo ta for di direccion oost te zuidoost y zwak te modera
Temperatura max / min lo ta: 33/27.