Pronostico di tempo pa diahuebs anochi ta indica cu shelo lo ta levemente te parcialmente nubla y generalmente seco. Den marduga y diabierna: parcialmente nubla cu posibilidad di localmente un awasero pasahero.
Temperatura maximo 32 grado Celsius y temperatura minimo 26 grado Celsius.
Solo lo baha awe nochi 07:08 pm y lo sali mañan mainta 06:25 am.
Biento: modera te basta fuerte for di direccion oost; forsa 4 te 5 (20 te 39 km/ora, 11 te 21 nudo). Den dia fuerte te duro den rafaga; forsa 6 te 7 (40 te 61 km/ora, 22 te 33 nudo)
Situacion general di tempo:
Den proximo 24 ora no ta spera cambionan significante den e tipo di weer cu tin actualmente. Un siguiente ola tropical lo drenta parti oost di Caribe den curso di mañan diabierna y lo pasa den region local bayendo west den curso di diasabra. E sistema aki
lo trece humedad cun’e cu lo pone chensnan pa awasero aumenta. Di otro un banda, stof fini suspende den aire lo stroba visibilidad un poco den proximo dianan.
Condicion di lama:
Olanan di lama lo ta for di direccion oost cu haltura di 5 te localmente 8 pia cu e olanan di mas halto na costanan oost, noordoost te noordwest di e isla.
Fenomenonan special: mañan dia 27 di juli lo tin un eclipse total lunar cu lo wordo observa parcialmente aki na Aruba. Mañan luna lo pasa den e parti di sombra di nos planeta. E eclipse lo cuminsa pa 1:14 pm y lo termina 7:28 pm. E dia ei, 27 di juli, luna lo sali 7:09 pm aki na Aruba y e evento lo termina 7:28 pm. Pues ta 19 min so lo por observa di e fase final cu ta penumbral. (penumbra: e parti menos scur di e sombra di e planeta).
Tempo tropical significante: ningun
Potencial di awasero pa proximo 24 ora: 1 mm; localmente por varia
Registracion di temperatura (Celsius) y awasero (mm) den ultimo 24 ora:
Airport max 32 / min 27 / 0.0
Pronostico di tempo pa proximo fin di siman:
Parcialmente nubla cu localmente un awasero pasahero. Biento lo ta for di direccion oost y modera te basta fuerte; den dia fuerte te posiblemente duro den rafaga;
temperatura max / min lo ta: 33/27