Pronostico di tempo ta indica cu diahuebs anochi, shelo lo ta parcialmente nubla y generalmente seco.
Den marduga y diabierna, shelo lo ta parcialmente nubla cu localmente un awasero pasahero.
Temperatura maximo 34 grado Celsius y temperatura minimo 28 grado Celsius.
Solo lo baha awe nochi 06:55 pm y lo sali mañan mainta 06:29 am.
Biento: modera for di direccionan entre oost i oost- zuidoost;
Forsa 3 te 4 (12 te 30 km/ora, 7 te 16 nudo)
Durante di dia basta fuerte te fuerte den rafaga;
Forsa 5 te 6 (31 te 50 km/ora, 17 te 27 nudo)
Situacion general di tempo:
Den proximo 24 ora no ta spera cambionan significante den e tipo di tempo cu tin actualmente. Humedad disponibel den atmosfera regional lo por pone temporalmente mas nubia forma den oranan di marduga y mainta y produci localmente un awasero breve riba isla di Aruba.
Condicion di lama:
Olanan di lama lo ta for di direccion oost cu haltura di 3 te localmente 5 pia na costa noord te noordwest.
Temperatura di superficie di lama: 28 grado Celsius.
Fenomenonan special: ningun
Sistemanan significante di tempo tropical: “Harvey” a bira un tormenta tropical sigui crece y bira un horcan. “Harvey” tabata situa den golfo di Mexico na un distancia basta grandi di zuidoost di Corpus Christi, Texas y ta moviendo noord-noordwest. E sistema aki no ta un menasa pa region local.
Registracion di temperatura (Celsius) y awasero (mm) den ultimo 24 ora:
Airport max 35 / min 28 / 0.0
Hadicurari max 34 / min 28 / 0.0
Pronostico di tempo pa proximo fin di siman:
Parcialmente nubla cu localmente un awasero pasahero.
Biento lo ta for di direccion oost te oost-zuidoost y modera te basta fuerte, den dia of posibel awasero de bes en cuando fuerte den rafaga;
Temperatura max / min lo ta: 34/28