Pronostico di tempo ta indica cu diahuebs anochi, shelo lo ta parcialmente nubla cu chens pa un awasero localmente.
Den marduga y diabierna, shelo lo ta parcialmente nubla cu localmente un awasero.
Un aviso pa boto chikito y lama bruto ta na vigor.
Temperatura maximo 35 grado Celsius y temperatura minimo 28 grado Celsius.
Solo lo baha awe nochi 6:36 pm y lo sali mañan mainta 6:29 am.
Biento: zwak te modera for di direccionan entre zuidoost y zuid- zuidwest;
Forsa 2 te 3 (7 te 19 km/ora, 4 te 10 nudo)
Temporalmente varia i zwak;
Forsa 1 te 2 (6 te 10 km/ora, 3 te 5 nudo)
Situacion general di tempo:
Den proximo 24 ora e aire den region lo ta mas humedo y de bes en cuando esaki lo pone mas nubia forma den region local. Pa e motibo aki por spera localmente un awasero cu por bay compaña pa lamper cu strena.
Condicion di lama:
Olanan di lama lo ta for di direccion oost- noordoost cu haltura di 6 te 8 pia.
Localmente e por yega 10 pia na parti noord di nos costanan. Labaderanan for di noord- noordoost causa pa horcan Maria ta haciendo nos costa na noord bruto. Sinembargho, e labaderanan lo bira menos durante proximo dianan.
Temperatura di superficie di lama: 28 grado Celsius.
Fenomenonan special: ningun
Sistemanan significante di tempo tropical:
Tormenta tropical Jose tabata situa zuidoost di Nantucket, Massachusetts y tabata moviendo hopi tiki. Jose no ta un peliger pa region local.
Horcan fuerte Maria tabata situa mas of menos na 155 km oost- zuidoost di Grand Turk Island, Bahamas, y ta moviendo noordwest. Maria ta moviendo awor den direccion di bahamas y no ta un menasa pa region local.
Registracion di temperatura (Celsius) y awasero (mm) den ultimo 24 ora:
Airport max 34 / min 27 / 0.0
Hadicurari max 33 / min 27 / 0.0
Pronostico di tempo pa proximo fin di siman:
Parcialmente nubla cu localmente un awasero breve, chens pa lamper y strena.
Biento lo ta for di direccion noord te noordoost y zwak; temporalmente variabel.
Temperatura max / min lo ta: 35/28