Pronostico di tempo pa diahuebs anochi ta indica cu shelo lo ta parcialmente nubla y generalmente seco. Den marduga y diabierna: parcialmente nubla cu chens pa localmente un awasero breve
Temperatura maximo 33 grado Celsius y temperatura minimo 27 grado Celsius.
Solo lo baha awe nochi 07:07 pm y lo sali mañan mainta 06:16 am.
Biento: modera te fuerte for di direccion oost te oost- zuidoost; forsa 4 te 5 (20 te 39 km/ora, 11 te 21 nudo). Den dia fuerte te posiblemente duro den rafaga; forsa 6 te 7 (40 te 61 km/ora, 22 te 33 nudo)
Situacion general di tempo:
Den proximo 24 ora, un ola tropical den parti oost di Caribe lo sigui avansa den direccion west y lo crusa region local den curso di diabierna pa diasabra. Humedad trese pa e sistema aki lo causa algun momento cu hopi nubia for di cual por cay un awasero localmente. Mas aleu, biento lo bay aumenta un poco den curso di e weekend venidero aki poniendo cu un aviso pa biento duro lo bira necesario den curso di mañan.
Condicion di lama:
Olanan di lama lo ta for di direccion oost cu haltura di 4 te localmente 7 pia; e olanan di mas halto lo ta na costanan oost, noordoost te noordwest di e isla.
Fenomenonan special: ningun
Tempo tropical significante: ningun
Potencial di awasero pa proximo 24 ora: 1 te 2 mm; localmente menos
Registracion di temperatura (Celsius) y awasero (mm) den ultimo 24 ora:
Airport max 33 / min 26 / 0.0
Pronostico di tempo pa resto di fin di siman:
Parcialmente nubla cu un awasero pasahero. Biento lo ta for di direccion oost y modera te basta fuerte; den dia fuerte te duro den rafaga;
temperatura max / min lo ta: 33/27