Pronostico di tempo compila diahuebs 17 di Augustus 2017 ta indica cu diahuebs anochi e tempo lo ta levemente te parcialmente nubla y seco. Den marduga y diabierna, tempo lo ta parcialmente nubla cu localmente un awasero
Temperatura maximo 34 grado Celsius y temperatura minimo 27 grado Celsius.
Solo lo baha awe nochi 06:59 pm y lo sali mañan mainta 06:28 am.
Biento:
For di direccionan entre oost y zuidoost y zwak te modera;
forsa 2 te 4 (7 te 30 km/ora, 4 te 16 nudo)
durante di dia of posibel awasero basta fuerte te fuerte den rafaga;
forsa 5 te 6 (31 te 50 km/ora, 17 te 27 nudo)
Situacion general di tempo:
humedad den atmosfera regional lo combina den proximo 24 ora cu un disturbio den
nivelnan mas halto di atmosfera pa forma temporalmente mas nubia. pa e motibo aki
por spera localmente algu di awasero riba isla di aruba.
Condicion di lama:
Olanan di lama lo ta for di direccion oost cu haltura di 4 te localmente 6 pia riba awanan habri na costa noordwest di nos isla. Labaderanan modera for di oost lo cuminsa invadi awanan regional den curso di diabierna pa diasabra.
Temperatura di superficie di lama: 28 grado celsius.
Fenomenonan special: ningun
Sistemanan significante di weer tropical:
-Gert tabata moviendo zuid- zuidoost di Cape Race, Newfoundland den direccion
oost- noordoost y a bira extra tropical. E sistema aki lo no wordu nombra mas
den boletin di tempo.
-Un area di presion abou, potential tropical cyclone nr.9 a sigui desaroya y a bira tormenta tropical “Harvey”. Harvey ta ubica na mas o menos 400 km oost di Barbados y ta moviendo west. Servicio Meteorologico di Aruba lo vigila e sistemanan aki hopi di acerca pa futuro desaroyonan cu por tin y si ta necesario emiti boletinnan di informacion.
-Un siguiente area di mal tempo ta situa mas o menos mei mei di Africa y area di Caribe ta movindo west- noordwest. E sistema aki tin un chens medio te grandi den proximo 2 dia pa sigui desaroya y bira un ciclon tropical.
Registracion di temperatura (Celsius) y awasero (mm) den ultimo 24 ora:
Airport max 34 / min 27 / 0.0
Hadicurari max 33 / min 27 / 0.0
Pronostico di tempo pa proximo fin di siman:
Parcialmente nubla cu localmente un awasero. Biento lo ta for di direccion oost-noordoost te oost zuidoost y modera te basta fuerte, den dia of posibel awacero de bes en cuando fuerte den rafaga; temperatura max / min lo ta: 34/28