Pronostico di tempo compila ta indica cu diahuebs anochi tempo lo ta parcialmente nubla cu un awasero breve. Den marduga y diabierna e tempo lo ta parcialmente te hopi nubla cu localmente un awasero.
Temperatura maximo 34 grado Celsius y temperatura minimo 26 grado Celsius.
Solo lo baha awe nochi 07:02 y lo sali mañan mainta 06:28
Biento lo ta for di direccionan entre oost y oost- zuidoost y modera te basta fuerte;
forsa 4 te 5 (20 te 39 km/ora, 11 te 21 nudo). Durante di dia fuerte te posiblemente duro den rafaga; forsa 6 te 7 (40 te 61 km/ora, 22 te 33 nudo)
Situacion general di tempo:
Un ola tropical den parti oost di area di caribe ta moviendo den direccion west. E sistema aki lo bai induci humedad den atmosfera regional y esaki lo pone cu de bez en cuando mas nubia lo pasa riba nos isla. Pa e motibo aki por spera algo di awasero den proximo 24 ora cu posibilidad di lamper cu streno.
Condicion di lama:
Olanan di lama lo ta for di direccion oost cu haltura di 4 te localmente 6 pia riba awanan habri na costa noordwest di nos isla.
Temperatura di superficie di lama: 28 grado Celsius.
Fenomenonan special: ningun
Sistemanan significante di weer tropical:
Franklin a subi tera y a debilita rapidamente, te caba na nada riba tera firme cerca di Mexico City, Mexico.Franklin lo no wordo nombra mas den boletinan di tempo.
Registracion di temperatura (Celsius) y awasero (mm) den ultimo 24 ora:
Airport max 34 / min 28 / 0.0
Hadicurari max 33 / min 27 / 0.0
Pronostico di tempo pa proximo fin di siman:
Parcialmente nubla y cu localmente un awasero. Biento lo ta for di generalmente direccion oost y modera te basta fuerte, de bes en cuando fuerte te posiblemente duro den rafaga;
temperatura max / min lo ta: 34/28