Pronostico di tempo valido te diabierna 1 di juni 2018

0

Pronostico di tempo pa diahuebs anochi ta indica cu shelo lo ta levemente te parcialmente nubla y generalmente seco. Den marduga y diabierna: levemente te parcialmente nubla y no ta spera awasero di importancia.

Temperatura maximo 33 grado Celsius y temperatura minimo 27 grado Celsius.

Solo lo baha awe nochi 07:02 pm y lo sali maƱan mainta 06:13 am.

Biento: modera te basta fuerte for di direccion oost; forsa 4 te 5 (20 te 39 km/ora, 11 te 21 nudo). Den dia fuerte te duro den rafaga; forsa 6 te 7 (40 te 61 km/ora, 22 te 33 nudo)

Situacion general di tempo:
Aire relativamente seco den atmosfera regional ta pone cu no ta spera awasero di importancia den proximo 24 ora. Mas aleu por bisa cu stof fini den aire lo stroba visibilidad un poco den proximo dia of dos.

Condicion di lama:
Olanan di lama lo ta for di direccion oost cu haltura di 4 te localmente 7 pia; e olanan di mas halto lo ta na costanan oost, noordoost te noordwest di e isla. Ta suplica operadornan di boto chikito pa tene cuenta cu esaki.

Temperatura di superficie di lama: 26 grado Celsius.

Fenomenonan special: ningun

Tempo tropical significante: ningun

Diabierna, 1 di juni, temporada di horcan di Atlantico ta cuminsa oficialmente. Manera ta e custumber servicio meteorologico di Aruba lo vigila desaroyonan riba Atlantico y den caso cu ta necesario lo emiti boletinnan di advertencia pa pueblo di Aruba. e Nombernan di e posibel tormentanan y horcan pa temporada 2018 ta: Alberto, esaki a forma caba for di temporada. E resto di nombernan ta: Beryl, Chris, Ernesto, Florence, Gordon, Helene, Isaac, Joyce, Kirk, Leslie, Michael, Nadine, Oscar, Patty, Raphael, Sara, Tony, Valerie, William.

Potencial di awasero pa proximo 24 ora: menos di 1 mm;

Registracion di temperatura (Celsius) y awasero (mm) den ultimo 24 ora:

Airport max 32 / min 26 / 0.0

Pronostico di tempo pa proximo fin di siman:
Parcialmente nubla y generalmente seco. Biento lo ta for di direccion oost y modera te basta fuerte; den dia fuerte te duro den rafaga;
temperatura max / min lo ta: 33/27

Comments

comments