Prome training di pre seleccion masculino lo ta diahuebs anochi na Flatstone

0

Aruba Softball Bond trahando duro pa desaroya e deporte tan gusta esta softball. Despues cu un directiva nobo a keda eligi 13 di December 2017 nan a reuni na 3 ocasion den luna di Januari hasiendo tur preparacionnan y trahando duro riba nan plannan pa cu 2018. Seleccion Masculino tin un compromiso 1 pa 9 di Juni na Monteria, Colombia pa cu campeonato di CONSURSA unda 9 pais ja a confirma. Pa cu e campeonato aki ASB a convoca un pre seleccion di 26 atleta mas 5 reserve pa un total di 31 atleta mas un staff technico di 4 persona. Den reunion a duna tur informacion al respecto e pre seleccion di cual na final 17 atleta por forma parti di e seleccion final. Diahuebs awor 15 di Februari exactamente 7pm tur atletanan den pre seleccion ta keda cordialmente invita pa raporta na veld di Flatstone. Directiva di ASB lo reuni un rato cu ful e ekipo di trabou esta Staff y atletanan y pa 730pm training lo inicia sharp. Por lo pronto tur dialuna y diahuebs lo bay tin training y pronto esaki lo subi pa 3 ves pa siman y despues 4 ves pa siman. Trabou duro ta bay cuminsa. Sinti Bo orguyoso di forma parti di e pre seleccion y asina ricibi un oportunidad pa por defende bandera di Bo Pais. Softball den pleno desaroyo!!!

Comments

comments