Riba diabierna ultimo, 17 di Maart 2017, YMCA Dakota a organisa pa prome biaha un scavenger hunt informativo pa e miembronan di nan afterschool program ‘Y’s Care’.
E meta tras di e Scavenger ta pa encurasha nos muchanan pa siña mas tocante nos pais y historia relaciona cu nos dia nacional di Himno i Bandera, y nos Status Aparte. E muchanan a pasa un momento hopi dibertido pero alabes educativo. Nan a gosa di e dia y di e tareanan cu nan mester a ehecuta durante di e Scavenger Hunt. E Scavenger Hunt a wordo prepara y ehecuta door di Youth Workers di YMCA Dakota, esta Sherwin Wester y Donna-Lee Eddie.
Mirando e exito di e Scavenger Hunt, YMCA Aruba lo trata di implementa esaki den 2018 pa ambos centro. Di e manera aki YMCA ta pone como meta pa den aña 2018 por inspira y motiva un cantidad mas grandi di mucha, pa siña mas tocante nos pais Aruba.