Prome pais na mundo pa prohibi residencia na pashentnan di cancer

0

KUWAIT CITY, Kuwait- E pais Arabe, Kuwait lo no duna permiso di residencia na stranheronan cu ta sufri di cancer, diabetes, presion y otro malesanan no infeccioso. E ley nobo aki cu a wordo aproba pa autoridadnan di e pais Arabe, ta busca manera pa baha gastonan di servicio medico genera pa inmigrantenan, segun Al Arabiya.
Ministerio di Salud Kuwaiti a publica un lista di 22 malesa cu ta prohibi ciudadanonan stranhero pa keda den e pais. Den e malesanan ta inclui tambe problemanan di riñon, problema cu bista y malesanan di indigestion.
Segun e oficina di Asuntonan General di Salud di Kuwait, Majida al Qattan, e ley nobo aki tin como obhetivo tambe garantisa cu stranheronan cu ta biba den e pais ta apto pa traha.

Comments

comments